Фестывалі Беларусі

"Джазавыя вечары" каля мінскай Ратушы

На працягу года ў розных кутках Беларусі праходзяць цікавыя фестывалі і святы. Сярод іх – знакамітыя музычныя і тэатральныя форумы, фестывалі народнай культуры, старажытных рамёстваў і нацыянальнай кухні, велікасвецкія балі, рыцарскія турніры і рэканструкцыі эпохі Сярэдневякоўя, незвычайныя экалагічныя святы…

Адпраўляючыся ў падарожжа па Беларусі, можна не толькі агледзець выдатныя мясціны, але і наведаць цікавыя мерапрыемствы. Наш гід азнаёміць вас са штогадовымі культурнымі і турыстычнымі фестывалямі Беларусі, а дакладныя даты і анонсы бліжэйшых падзей глядзіце ў актуальным календары Belarus.by.

Зімовыя фестывалі Беларусі

Святочнае шэсце Дзядоў Марозаў і Снягурачак

Снежань

• Мінскі міжнародны Калядны оперны форум (Мінск)
• Віцебскі міжнародны фестываль імя І.І. Салярцінскага (Віцебск)  
• Рэспубліканскі фестываль нацыянальнай драматургіі імя В.І.Дуніна-Марцінкевіча (Бабруйск)
• Міжнародны фестываль тэатральнага мастацтва "Славянскія тэатральныя сустрэчы" (Гомель)
• Калядны дабрачынны баль кнігі ў Вялікім тэатры Беларусі (Мінск)
• Святочнае шэсце Дзядоў Марозаў і Снягурачак (Мінск, абласныя гарады Беларусі, Белавежская пушча)

Студзень

• Міжнародны фестываль класічнай музыкі "Студзеньскія музычныя вечары" (Брэст)
• Мінскі міжнародны фестываль лічбавага мастацтва "Terra Nova" (Мінск)
• Калядныя балі ў Мірскім замку
• Калядны баль у Вялікім тэатры Беларусі (Мінск)

Люты

• Міжнародны фестываль праваслаўных песнапенняў "Каложскі Благавест" (Гродна)
• Міжнародны фестываль фокуснікаў "MAGIC SHOW" (Гродна)
• Міжнародны зімовы мотафестываль "Завіруха" (г.п. Радашковічы, Маладзечанскі раён, Мінская вобласць)
• Форум эксперыментальных пластычных тэатраў "ПлаSтформа Мінск"

Вясновыя фестывалі Беларусі

Міжнародны велакарнавал "Viva, ровар" у Мінску

Сакавік

• Міжнародны фестываль старадаўняй і сучаснай камернай музыкі (Полацк, Сафійскі сабор)
• Міжнародны маладзёжны тэатральны форум "М@рт-кантакт" (Магілёў)
• Мінскі вясенні фестываль танга (Мінск)

Красавік

• Фестываль сучаснага мастацтва і авангарда моды "Мамант" (Мінск) 
• Міжнародны фестываль маркетынгу і рэкламы "Белы квадрат" (Мінск)
• Міжнародны фестываль інструментальнай музыкі "Рэнесанс гітары" (Гомель)
• Міжнародны байк-фестываль "Хавайся ў бульбу" (Гродна)
• Міжнародны фестываль воднага турызму "Нёманская вясна"

Май

• Міжнародны фестываль лялечных тэатраў "Лялькі над Нёманам" (Гродна)
• Беларускі міжнародны фестываль тэатраў лялек (Мінск)
• Мінскі форум вулічных тэатраў (Мінск)
• Свята мастацтваў "Музы Нясвіжа" (Мінская вобласць, Нясвіж)
• Міжнародны фестываль духавой музыкі "Беларускія фанфары" (Баранавічы)
• Міжнародны фестываль дзіцячай творчасці "Залатая пчолка" (Клімавічы, Магілёўская вобласць) (май-чэрвень)
• Фестываль сярэдневяковай культуры "Рубон" (Полацк, Віцебская вобласць)
• "Ноч музеяў" у Беларусі
• Фестываль сярэдневяковай культуры "Гальшанскі замак" (Гродзенская вобласць, Ашмянскі раён, аграгарадок Гальшаны)
• Міжнародны злёт рэтра- і класічных аўтамабіляў "Рэтра Мінск" (Мінск)
• Свята народнай творчасці "Аўгустоўскі канал запрашае сяброў"
• Фестываль ландшафтнай архітэктуры і дызайну
• Фестываль гістарычнай рэканструкцыі "Эпоха рыцарства"
• Міжнародны велакарнавал "Viva, ровар" у Мінску

Летнія фестывалі Беларусі

Вішнёвы фестываль

Чэрвень

• Рэспубліканскі фестываль нацыянальных культур (Гродна, раз у два гады)
• Міжнародны фестываль духоўнай музыкі "Магутны Божа" (Магілёў)
• Нацыянальны фестываль беларускай песні і паэзіі "Маладзечна" (Маладзечна, п. Чысць, Мінская вобласць)
• Фестываль опернага і балетнага мастацтва "Вечары Вялікага тэатра ў замку Радзівілаў" (Мінская вобласць, Нясвіжскі замак)
• "Музычныя вечары ў Мірскім замку" (Мірскі замак, Гродзенская вобласць)
• Міжнародны фестываль песні і музыкі "Дняпроўскія галасы ў Дуброўне" (Дуброўна, Віцебская вобласць)
• Праект "Балетнае лета ў Вялікім" (Мінск)
• Рэспубліканскі фестываль фальклорнага мастацтва "Берагіня" (г.п. Акцябрскі, Гомельская вобласць)
• Міжнароднае свята традыцыйнай культуры "Браслаўскія зарніцы" (Віцебская вобласць, Браслаў)
• Міжнародны фестываль народнай музыкі "Звіняць цымбалы і гармонік" (Паставы, Віцебская вобласць)
• Міжнародны гістарычны фестываль "Спадчына стагоддзяў" (замкавы комплекс "Мір", Гродзенская вобласць)
• Рыцарскі фестываль "Меч Лідскага замка" (Лідскі замак, Гродзенская вобласць)
• Фестываль "Ружанская брама" (Ружанскі замак, Ружаны, Брэсцкая вобласць) 
• Фестываль "Камянецкая вежа" (Камянец, Брэсцкая вобласць)
• "Сырны фестываль пад Мінскам" (Беларускі дзяржаўны музей народнай архітэктуры і побыту)
• Фестываль сельскага турызму "Заборскі фэст" (г.п. Расоны, Віцебская вобласць)

Ліпень

• Міжнародны фестываль "Славянскі базар у Віцебску" (Віцебск)
• Міжнародны фестываль народнай творчасці "Вянок дружбы" (Бабруйск, Магілёўская вобласць)
• Будслаўскі фэст (Будслаў, Мінская вобласць)
• Фестываль "Вольнае паветра" (хутар Шаблі, Валожынскі раён, Мінская вобласць)
• Свята "Александрыя збірае сяброў (аграгарадок Александрыя, Шклоўскі раён, Магілёўская вобласць)
• Міжнародны фестываль сярэдневяковай культуры і музыкі "Наш Грунвальд" (Мінская вобласць, этнаграфічны музей "Дудуткі")
• Свята сярэдневяковай культуры "Рыцарскі фэст. Мсціслаў" (Мсціслаў, Магілёўская вобласць)
• Вішнёвы фестываль (Глыбокае, Віцебская вобласць)
• Фэст вулічнага мастацтва "На сямі вятрах" (Віцебск)
• Летні фестываль FSP - Freaky Summer Party (Мінск, раз у два гады)
• Міжнароднае музычна-спартыўнае свята "Вялікая бард-рыбалка" (вёска Грудзічына, Быхаўскі раён, Магілёўская вобласць) (ліпень-жнівень)
• Праект "Класіка каля Ратушы"
• Праект "Джазавыя вечары" каля мінскай Ратушы

Жнівень

• Міжнародны фестываль этнакультурных традыцый "Кліч Палесся" (Нацыянальны парк "Прыпяцкі", раз у два гады)
• Міжнародны кулінарны фестываль "Мотальскiя прысмакi" (аграгарадок Моталь, Іванаўскі раён, Брэсцкая вобласць)
• Фестываль народнай творчасці, промыслаў і рамёстваў "Дрыбінскія таржкі" (г.п. Дрыбін, Магілёўская вобласць)
• Свята агурка ў Шклове (Шклоў, Магілёўская вобласць)
• Фестываль кветак (г.п. Жалудок, Шчучынскі раён, Гродзенская вобласць)
• Фестываль "Крэўскі замак" (Крэўскі замак, д. Крэва, Смаргонскі раён, Гродзенская вобласць)
• "Ганненскі кірмаш" (Зэльва, Гродзенская вобласць)
• Усебеларускі фестываль народнага гумару ў Аўцюках (вёскі Вялікія і Малыя Аўцюкі, Калінкавіцкі раён, Гомельская вобласць)
• Нацыянальны чэмпіянат па ручной касьбе нізінных балот "Спораўскія сенакосы" (Брэсцкая вобласць, Рэспубліканскі біялагічны заказнік "Спораўскі")
• Міжнародны пленэр па кераміцы "Арт-Жыжаль" (Бабруйск, Магілёўская вобласць)
• Фестываль "Аўгустоўскі канал у культуры трох народаў"
• Міжнародны фестываль вулічных мастацтваў Grand Teatro імя Льва Бакста (Гродна)
• Міжнародны праваслаўны маладзёжны фестываль "Адзігітрыя"
• Этнасвята "У госці да радзімічаў"
• Міжнародны фестываль "У госці да Лепельскага Цмока"
• Міжнародны праект Mirum Music Festival
• Міжнародны фестываль "Шлях вікінгаў" (парк-музей інтэрактыўнай гісторыі "Сула", Мінская вобласць)
• Фестываль урбан-арту Vulica Brasil (Мінск) 

Восеньскія фэсты Беларусі

Мінскі міжнародны кінафестываль "Лістапад"

Верасень

• Дзень беларускага пісьменства
• Міжнародны тэатральны фестываль "Белая вежа" (Брэст)
• Міжнародны форум тэатральнага мастацтва "ТЕАРТ" (Мінск)
• Міжнародны фестываль студэнцкіх тэатраў "Тэатральны куфар" (Мінск)
• Музычны фестываль памяці Мікалая Набокава (Мірскі замак, г.п. Любча, Гродна)
• Свята класічнай музыкі TyzenHouse (Гродна)
• Міжнародны фестываль анімацыйных фільмаў "Анімаёўка" (Магілёў)  
• Міжнародны фестываль харэаграфічнага мастацтва "Сожскi карагод" (Гомель, раз у два гады)
• Рэспубліканскі экалагічны фестываль "Жураўлі і журавіны Міёрскага краю" (Міёры, Віцебская вобласць)
• Нацыянальны фестываль бегу "Языльская дзясятка" (Старыя Дарогі, Мінская вобласць)
• Фестываль "Гонка легенд – зоркі біятлона за мір" у Раўбічах
• Мінскі паўмарафон
• Фестываль квасу (Ліда, Гродзенская вобласць)
• Фестываль "Цукеркавы фэст" (г.п. Івянец, Валожынскі раён, Мінская вобласць)
• Фестываль бульбы "Бульба-фэст у Сілічах" (Мінск, гарналыжны цэнтр "Сілічы")
• Свята народнай культуры "Вераснёвая палітра" (Наваполацк, Віцебская вобласць)
• Міжнародны фестываль агню "МІФФ" (Мінск)
• Міжнародны байкерскі фестываль H.O.G. Rally Minsk (Мінск)

Кастрычнік

• Міжнародны фестываль Юрыя Башмета (Мінск) 
• Міжнародны музычны фестываль "Залаты шлягер" (Магілёў)
• Фестываль народнай творчасці "Напеў зямлі маёй" (Мінская вобласць)
• Фестываль-конкурс аўтарскай песні, паэзіі і візуальных мастацтваў "Віцебскі лістапад" (Віцебск)

 Лістапад

• Мінскі міжнародны кінафестываль "Лістапад" (Мінск)
• Міжнародны фестываль мастацтваў "Беларуская музычная восень" (Мінск)
• Міжнародны фестываль арганнай музыкі "Званы Сафіі" (Полацк, Сафійскі сабор) (лістапад - снежань)
• "Музычныя вечары ў Вялікім" (Мінск, Вялікі тэатр оперы і балета Беларусі)
• Джазавы фэст "Міншчына сустракае джаз" (Мінская вобласць, Маладзечанскі раён, п. Чысць)
• Міжнародны фестываль "JAZZinMINSK" (Мінск)
• Міжнародны фестываль сучаснай харэаграфіі IFMC (Віцебск)
• Міжнародны фестываль тэатральнага мастацтва "Панарама" (Мінск)
• Эколага-турыстычны фестываль "Таямніцы Прыбужскага Палесся" (Брэсцкі раён, заказнік "Прыбужскае Палессе")

Беларускія святы і абрады

У Беларусі можна не толькі ўбачыць, але і прыняць удзел у старадаўніх народных абрадах і забавах, якія кожны год праходзяць у гарадах і вёсках, этнаграфічных музеях краіны.

Зімой вас чакаюць навагоднія і калядныя гулянні ў казачнай сядзібе Дзеда Мароза ў Белавежскай пушчы, цікавыя калядныя абрады, якія да гэтага часу праводзяць у розных кутках Беларусі. Сярод іх і абсалютна ўнікальныя, характэрныя толькі для адной мясцовасці:

• "Калядныя цары" (вёска Семежава, Капыльскі раён, Мінская вобласць)
• "Цягнуць Каляду на дуба" (вёска Новіны, Бярэзінскі раён, Мінская вобласць)
• "Жаніцьба Цярэшкі" (вёска Аношкі, Лепельскі раён, Віцебская вобласць)

Вясной з блінамі і песнямі беларусы сустракаюць Масленіцу і незвычайнае свята "Гуканне вясны" . На вялікія гулянні запрашаюць:

• этнаграфічныя музеі і агратурыстычныя комплексы;
• рэзідэнцыя Дзеда Мароза ў Белавежскай пушчы;
• гарналыжныя курорты ("Сілічы", "Лагойск", "Сонечная даліна");
• Цэнтральны батанічны сад у Мінску;
• Гомельскі палацава-паркавы ансамбль Румянцавых і Паскевічаў…

Летам у многіх гарадах і вёсках, этнаграфічных музеях адзначаюць адно з самых любімых народных свят – Купалле (Іван Купала). Асабліва маштабныя фэсты: 

• Рэспубліканскае свята "Александрыя збірае сяброў" (аграгарадок Александрыя, Шклоўскі раён, Магілёўская вобласць)
• свята "Сонцаварот" і купальскі фестываль фальклорных калектываў (Беларускі дзяржаўны музей народнай архітэктуры і побыту)
• Open air "Купалле" (музей "Дудуткі")
• Купалле і Русалія
• Купалле ў рэзідэнцыі Дзеда Мароза

Акрамя таго, у чэрвені вы можаце ўбачыць арыгінальны абрад Русалле, які праводзяць жыхары Любанскага раёна Мінскай вобласці, Хойніцкага раёна Гомельскай вобласці.

Восенню ў Беларусі праходзіць традыцыйнае свята ў гонар новага ўраджаю – Дажынкі. Святкаванні наладжваюцца ў кожным раёне, а ў адным з гарадоў рэгіёна праходзяць абласныя "Дажынкі".

версія для друку

зрабіць стартавай

дабавіць у выбранае