Міжнародны фестываль мастацтваў "Славянскі базар у Віцебску" | Беларуская культура | Belarus.by | Пра Беларусь | Belarus.by | Афіцыйны сайт Рэспублікі Беларусь
У Беларусь без візы: на 5 дзён для грамадзян 80 краін
Афіцыйны сайт Рэспублікі Беларусь
Вішнёвы фестываль у горадзе Глыбокае
Пра Беларусь

Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Пра Беларусь | Культура | Міжнародны фестываль мастацтваў "Славянскі базар у Віцебску"

Міжнародны фестываль мастацтваў "Славянскі базар у Віцебску"

Лагатып ХХVІІ Міжнароднага фестывалю мастацтваў "Славянскі базар у Віцебску" (2018)
Лагатып ХХVІІ Міжнароднага фестывалю мастацтваў "Славянскі базар у Віцебску" (2018)

Міжнародны фестываль мастацтваў "Славянскі базар у Віцебску" з'яўляецца візітнай карткай Рэспублікі Беларусь. На працягу многіх гадоў музычны форум садзейнічае развіццю дыялогу культур паміж рознымі народамі і краінамі.

Гісторыя Фестывалю

18 ліпеня 1992 года ў Віцебску прайшоў першы фестываль мастацтваў. Ля вытокаў фестывалю стаяла тры дзяржавы - Беларусь, Расія і Украіна. Мэтай краін-арганізатараў было азнаёміць віцябчан і гасцей горада з песеннай творчасцю славянскіх народаў.

У 1993 годзе фестываль "Славянскі базар" стаў членам Міжнароднай федэрацыі арганізатараў фестываляў (FIDOF). У тым жа годзе пашырылася і геаграфія ўдзельнікаў: на флагштоку фестывалю ўпершыню з'явіліся сцягі Славакіі, Кыргызстана, Літвы, Турцыі, Балгарыі, Югаславіі.

З 1995 года фестываль праводзіцца пад асабістым патранатам Прэзідэнта Рэспублікі Беларусь Аляксандра Лукашэнкі. З таго ж года "Славянскі базар" стаў называцца "Міжнародным фестывалем мастацтваў".

У 1996 годзе фестываль упершыню трансліраваўся па сістэме спадарожнікавага тэлебачання, што зрабіла прагляд свята мастацтваў даступным жыхарам усёй планеты.

У 2009 годзе адбылося адкрыццё Алеі лаўрэатаў, удастоеных спецыяльнай узнагароды Прэзідэнта Рэспублікі Беларусь "Праз мастацтва - да міру і ўзаемаразумення".

У 2011 годзе прайшоў юбілейны XX Міжнародны фестываль мастацтваў "Славянскі базар у Віцебску". За 20 гадоў у горадзе Віцебску пабывалі больш за 55 тысяч удзельнікаў з 68 краін свету. На галоўнай сцэне "Славянскага базару ў Віцебску" - у Летнім Амфітэатры - адбылося 316 канцэртаў, якія наведалі каля трох мільёнаў гледачоў.

Галоўнай інтрыгай фестывалю на працягу ўсяго часу яго існавання з'яўляецца міжнародны конкурс выканаўцаў эстраднай песні "Віцебск". Таксама ў рамках фестывалю праходзяць міжнародны дзіцячы музычны конкурс, кіна- і тэатральныя праграмы.

Фестываль немагчыма ўявіць без вернісажу пад адкрытым небам, дзе выстаўляюцца выдатныя працы сучасных мастакоў, без горада майстроў, у якім прадстаўлены народныя промыслы. На фестывалі традыцыйна праходзяць Дзень Саюзнай дзяржавы, гала-канцэрты майстроў культуры Беларусі, Расіі, Украіны, праграмы "Фестываль без межаў", "Тэатральныя сустрэчы", "Зорны час".

Ці ведаеце вы, што...

У 2000 годзе фестываль устанавіў рэкорд, сабраўшы на сцэне прадстаўнікоў абсалютна ўсіх славянскіх народаў, якія жывуць на зямлі.

Фестываль двойчы прызнаваўся FIDOF "Лепшым фестывалем года" ў 2000 і 2004 гадах. У 2005 у Віцебску адбылася Асамблея гэтай міжнароднай федэрацыі, што стала прызнаннем высокага ўзроўню правядзення "Славянскага базару ў Віцебску".

"Славянскі базар у Віцебску"-2018

Дваццаць сёмы па ліку фестываль мастацтваў "Славянскі базар у Віцебску" чакае гасцей: асноўная праграма форуму-2018 прадоўжыцца з 12 па 16 ліпеня, але нефармальныя межы фестывалю значна шырэйшыя – дзясяткі мерапрыемстваў у горадзе Шагала запланаваны на 7-11 і 17-18 ліпеня.

Як мяркуюць арганізатары, "Славянскі базар"-2018 паб'е мінулагодні рэкорд праектаў: толькі на галоўнай сцэне ў Летнім амфітэатры пройдзе 19 вялікіх канцэртаў, і па 2-3 праекты ў дзень будуць прымаць астатнія пляцоўкі горада.

Традыцыйна ў цэнтры ўвагі – міжнародныя дзіцячы і дарослы вакальныя конкурсы. Першымі перад журы з'явяцца юныя зорачкі, чый лёс вызначыцца ўжо 12 ліпеня. Плануецца, што галоўны прыз пераможцу дзіцячага конкурсу ўручыць Прэзідэнт на ўрачыстай цырымоніі адкрыцця "Славянскага базару".

У аснове фестывальнай канцэпцыі гэтага года – тэма малой радзімы, якая знойдзе адлюстраванне ў канцэртах адкрыцця і закрыцця, відэакантэнце, выступленнях артыстаў. Акрамя таго, сёлетні "Славянскі базар" адзначыць дзве знакавыя даты – 80-годдзе кампазітара народнага артыста Беларусі Ігара Лучанка і 30-годдзе будаўніцтва Летняга амфітэатра.

На фестывалі-2018 будзе вельмі шмат выступленняў аркестраў: тут сыграюць маэстра Горан Брэгавіч і яго "Вясельна-пахавальны аркестр", знакаміты Эмір Кустурыца са сваім No Smoking Orchestra, "Фанограф-Сімфа-Джаз" (канцэрт да Дня Саюзнай дзяржавы), дзяржаўны аркестр пад кіраўніцтвам Міхаіла Фінберга, аркестр пад кіраўніцтвам Святланы Бязроднай, праект "Аркестр мары" Алега Меньшыкава. Акрамя таго, усе вуліцы горада будуць запоўнены мерапрыемствамі, у тым ліку з удзелам прыезджых аркестраў і музыкантаў.

У афішы – цэлы россып зорных імёнаў, эксклюзіўных праектаў і сюрпрызаў: поўную праграму глядзіце на афіцыйным сайце "Славянскага базару".

У чаканні свята: Віцебск рыхтуецца да адкрыцця "Славянскага базару"-2018

"Славянскі базар"-2018: Віцебск фестывальны

"Славянскі базар"-2018: калейдаскоп зорных шоу ў Летнім амфітэатры

"Славянскі базар"-2018: урачыстая цырымонія адкрыцця фестывалю міжнацыянальнай дружбы

"Славянскі базар" запальвае зоркі: юныя ўдзельнікі, яркія нумары і інтрыгуючыя моманты дзіцячага конкурсу выканаўцаў "Віцебск-2018"

Помнікі Вялікай Айчыннай вайны ў Беларусі
У Беларусь без візы: на 5 дзён для грамадзян 80 краін
Платныя дарогі ў Беларусі