Імянная валошка на Алеі зорак у Віцебску адкрывае народны артыст Расіі Валерый Лявонцьеў

Алея зорак – лаўрэатаў спецыяльнай узнагароды Прэзідэнта Беларусі "Праз мастацтва – да міру і ўзаемаразумення" – адкрылася ў Віцебску 10 ліпеня 2009 г. Прэстыжны прыз, заснаваны кіраўніком дзяржавы, уручаецца з 2005-га, і раней яго атрымалі Андрэй Пятроў, Ала Пугачова, Сафія Ратару, Аляксандра Пахмутава. Да пяцігоддзя ўзнагароды каля Летняга амфітэатра з’явілася знакавае месца, дзе ўвекавечаны імёны лаўрэатаў з сімвалам фестывалю – кветкай валошкі, якая адначасова ўвасабляе музычную ноту і мікрафон. З гэтага моманту ў час кожнага фестывалю будзе з’яўляцца новая "зорка". Героем урачыстасці ў дзень адкрыцця Алеі стаў пяты ўладальнік узнагароды – лаўрэат 2009 года народны артыст Расіі Валерый Лявонцьеў.