Кухня Беларусі

Беларуская закуска

Нацыянальная кухня Беларусі развівалася стагоддзямі, але некаторыя старадаўнія рэцэпты захаваліся да нашых дзён – беларускія стравы па-ранейшаму папулярныя

Кухня ў Беларусі

Сучасная кухня Беларусі разнастайная. Яна сфарміравалася пад уплывам двух асноўных аспектаў:

• актыўнае земляробства і шырокае выкарыстанне мясцовых прадуктаў
• уплыў суседніх краін і перасяленцаў

Па гэтых прычынах беларуская кухня падобная да кухні Расіі, Літвы, Украіны і Польшчы. Яўрэйская супольнасць таксама прыўнесла многае ў сучасную беларускую кухню.

У беларускіх стравах, як правіла, выкарыстоўваюцца мясцовая агародніна і злакі, асабліва:

• бульба
• буракі
• грыбы
• ягады
• ячмень

Бульба заслугоўвае асаблівага ўпамінання, таму што яна аснова многіх беларускіх страў на працягу соцень гадоў.
У меню беларусаў таксама шырока прысутнічаюць:

• свініна, свіныя каўбасы, свіное салёнае сала
• ялавічына
• птушка
• рачная рыба (фарэль, акунь, карп)
• малако і малочныя прадукты (тварог, смятана, сыр)

Беларускія закускі

У Беларусі папулярныя стравы з агародніны, прыгатаванай самымі рознымі спосабамі, у тым ліку салаты:

• з капусты (свежай і кіслай)
• з вараных буракоў
• з памідораў, агуркоў, радыскі

Шырока выкарыстоўваецца цыбуля, часнок і зеляніна (кроп, пятрушка, кінза, базілік).

Нязменна папулярныя ў Беларусі супы, у тым ліку:

• суп з буракоў (боршч)
• суп з капусты (капуста)
• халодны суп з буракоў (халаднік)
• булён

Халодныя закускі – мясныя рулеты, балык, вяндліна, салаты, соусы і інш.

Стравы звычайна падаюцца з жытнім хлебам.

Традыцыйныя беларускія стравы

Традыцыйныя беларускія стравы з бульбы:

• бульбяныя клёцкі
• бульбяныя аладкі (дранікі)
• запечаная драная бульба з добра падсмажанай скарыначкай (бабка)

Стравы з бульбы часта падаюцца з агароднінай, грыбамі або мясам.

Таксама папулярныя:

• падліўка са свінінай (мачанка)
• фаршыраваная курыца
• сечаныя мясныя катлеты з начынкай (зразы)
• пельмені
• пірагі з мясам або капустай

Беларускія дэсерты

Большасць дэсертаў у Беларусі – гэта ягады і малочныя прадукты. Найбольш папулярныя дэсерты:

• марожанае, узбітыя вяршкі
• пірожныя
• садавіна і ягады (клубніцы, чарніцы, журавіны)

Гарэлка ў Беларусі

Гарэлка – найбольш папулярны моцны спіртны напітак у Беларусі.

Гарэлку ўжываюць па святах і ў асаблівых  выпадках.

Іншыя папулярныя напіткі ў Беларусі

Піва, чырвонае віно, што імпартуецца з розных краін, і шампанскае (пеністае віно) таксама папулярныя ў Беларусі.

Квас – традыцыйны беларускі напітак. Вырабляецца шляхам зброджвання хлеба або злакаў (ячмень, жыта).

Кампот – папулярны напітак хатняга прыгатавання. Звычайна гатуецца з мясцовых ягад і садавіны, якія варацца ў даволі вялікай колькасці вады з дабаўленнем цукру.

Мінеральная вада

Беларускія рэцэпты

Стравы беларускай кухні адносна лёгка прыгатаваць. Вось некалькі папулярных рэцэптаў:

Боршч (на чацвярых)

Склад:
20мл тлушчу,
300г ялавічыны або бараніны,
1 невялікая нарэзаная галоўка цыбулі,
2 літры мяснога булёну,
2 мл лімоннага соку,
500г таматаў,
400г шаткаванай капусты,
600г нарэзаных буракоў,
300г смятаны,
сечаны кроп,
соль і перац.

Спосаб прыгатавання:

1. Падрумяньце мяса і цыбулю ў тлушчы да залаціста-карычневага колеру.
2. Дабаўце булён і іншыя інгрэдыенты, акрамя смятаны, кропу і прыпраў.
3. Давядзіце да кіпення і пакіньце кіпець на слабым агні на 2 гадзіны.
4. Дабаўце прыпраў на смак і падавайце са смятанай і кропам.

Дранікі

Склад:
бульба – 6 шт.,
яйка – 1 шт.,
мука – 2 сталовыя лыжкі,
цыбуля рэпчатая – 1 шт.,
алей,
соль,
перац.

Спосаб прыгатавання:

1. Бульбу абабраць, прамыць і дробна надзерці. Цыбулю абабраць і таксама надзерці дробна. Перамяшаць бульбу і цыбулю.
2. Дабавіць яйка, муку, соль і добра перамяшаць да аднароднай кансістэнцыі.
3. На патэльні разагрэць алей і выкладваць бульбяную масу сталовай лыжкай у выглядзе невялікіх аладак. Абсмажыць дранікі з аднаго боку прыкладна 2–3 хвіліны да румянай скарыначкі. Потым перавярнуць на другі бок, абсмажыць прыкладна 1–2 хвіліны.
4. Падаваць на стол гарачымі са смятанай.

Мачанка (на чацвярых)

Склад:
500г свініны,
300мл ялавічнага булёну,
40г алею,
1 цыбуліна,
25г мукі,
200мл смятаны,
спецыі і соль на смак.

Спосаб прыгатавання:

1. Падрумяньце свініну да хрумсткай скарыначкі, дабаўце булён і спецыі.
2. Гатуйце на агні на працягу 20 хвілін.
3. У асобнай пасудзіне падсмажце муку некалькі хвілін. Дабаўце 2 лыжкі булёну і размяшайце. Дабаўце смятану і спецыі і гатуйце на слабым агні ад 5 да 10 хвілін.
4. Падсмажце цыбулю і дабаўце да свініны.
5. Пераліце сумесь у форму для духоўкі і дабаўце смятану.
6. Гатуйце 20 хвілін.
7. Мачанку разліць у глыбокія талеркі кожнаму парцыённа, каб мачаць туды бліны.

верашчаки from zweizwei |motion timelapse| on Vimeo.

адправіць

версія для друку

зрабіць стартавай

дабавіць у выбранае