Афіцыйны сайт Рэспублікі Беларусь
XI Міжнародны музычны фестываль Юрыя Башмета
Пра Беларусь

Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Пра Беларусь | Спорт

Спорт у Беларусі


У Беларусі фізічнай культуры і спорту ўдзяляецца вялікая ўвага. Гэта пацвярджаюць высокія дасягненні ў спорце і наяўнасць спартыўных збудаванняў сусветнага класа.

Спартыўныя збудаванні ў Беларусі

Палітыка дзяржавы нацэлена на тое, каб усім прадаставіць магчымасць займацца спортам. Дзякуючы такому падыходу беларускія школы, ВНУ, а таксама дзіцячыя дашкольныя ўстановы цудоўна аснашчаны для заняткаў спортам.

Сёння ў краіне функцыянуюць больш як 23 000 аб’ектаў фізкультурна-спартыўнага прызначэння, у тым ліку:

  • 144 стадыёны
  • 332 басейны
  • 4588 спартыўных залаў
  • 52 спартыўныя манежы
  • 35 збудаванняў са штучным ільдом  

Папулярныя віды спорту ў Беларусі

У Беларусі займаюцца многімі відамі спорту. Найбольш папулярныя:

  • лёгкая атлетыка
  • футбол
  • гімнастыка
  • лыжны спорт
  • біятлон 
  • хакей
  • тэніс
  • фехтаванне
  • барацьба
  • валейбол
  • гандбол
  • плаванне
  • шахматы і шашкі

Цэнтр "Раўбічы"

Рэспубліканскі цэнтр aлімпійскай падрыхтоўкі па зімовых відах спорту "Раўбічы" лічыцца адным з лепшых у свеце цэнтраў для біятлона.

У ліку яго збудаванняў:

  • лыжаролерная траса 6,2 км
  • кросавая траса 20,5 км
  • стралковы стадыён
  • крыты трэніровачны каток (раздзявалкі, саўна, трэнажорная зала, кафэ, пракат інвентару)
  • трэнажорная і спартыўная залы
  • гарналыжная траса (150 м)
  • акрабатычны схіл для фрыстайла
  • тэнісныя корты са штучным пакрыццём
  • адкрытая гульнявая пляцоўка
  • пракат рыштунку

Акрамя спартыўных збудаванняў у Рэспубліканскім цэнтры алімпійскай падрыхтоўкі па зімовых відах спорту "Раўбічы" ёсць дзве 4-зоркавыя гасцініцы, рэстараны, кафэ, канферэнц-залы.

Прафесійны спорт у Беларусі

У Беларусі шмат навучальных цэнтраў для падрыхтоўкі прафесійных спартсменаў, у тым ліку:

  • Беларускі дзяржаўны ўніверсітэт фізічнай культуры
  • 11 вучылішчаў алімпійскага рэзерву
  • 165 спецыялізаваных школ алімпійскага рэзерву
  • больш за 250 дзіцяча-юнацкіх спартыўных школ

280 ураджэнцаў Беларусі сталі чэмпіёнамі свету і Еўропы ў многіх відах спорту.

Беларусь і Алімпійскія гульні

Беларусь можа ганарыцца сваёй гісторыяй удзелу ў Алімпійскіх гульнях75 беларусаў сталі алімпійскімі чэмпіёнамі.

Упершыню беларусы прынялі ўдзел у Алімпійскіх гульнях у 1952 годзе ў Хельсінкі ў складзе зборнай СССР.

Як незалежная дзяржава Беларусь удзельнічала ў зімовых Алімпійскіх гульнях у Лілехамеры ў 1994 годзе і заваявала два сярэбраныя медалі.

На Алімпійскіх гульнях у Пекіне ў 2008 годзе Беларусь заваявала 19 медалёў, у тым ліку 4 залатыя і 5 сярэбраных. Найбольш паспяхова беларуская каманда выступіла ў лёгкай і цяжкай атлетыцы, веславанні на каноэ і заняла 16-е месца па колькасці заваяваных медалёў.

Таксама беларусы ўвайшлі ў лік чэмпіёнаў і прызёраў зімовых Алімпійскіх гульняў у Ванкуверы ў 2010 годзе, на якіх заваявалі 1 залаты медаль у фрыстайле, сярэбраны і бронзавы медалі ў біятлоне.

На летніх Алімпійскіх Гульнях-2012 у Лондане беларускія спартсмены заваявалі 12 медалёў, у тым ліку 2 залатыя і 5 сярэбраных. У медальным заліку Алімпіяды Беларусь заняла 26 месца.

На зімовай Алімпіядзе-2014 у Сочы каманда Беларусі заваявала 6 медалёў (5 залатых і 1 бронзавы), забяспечыўшы Беларусі рэкорднае ў суверэннай гісторыі 8-е месца ў медальным заліку.

У Беларусі тры буйныя цэнтры алімпійскай падрыхтоўкі: у Стайках, Раўбічах і Ратамцы.

Многія знакамітыя алімпійцы родам з Беларусі.

Беларусь і Паралімпійскія гульні

У Беларусі таксама моцная параалімпійская каманда. На  Паралімпійскіх гульнях у Пекіне ў 2008 годзе Беларусь заваявала 13 медалёў, у тым ліку 5 залатых.

На Х зімовай Паралімпіядзе ў Канадзе ў 2010 годзе беларускія спартсмены заваявалі 9 медалёў (2 залатыя, 7 бронзавых). У медальным заліку Паралімпіяды Беларусь заняла 9-е месца, па агульнай колькасці прызавых месц паўтарыўшы рэкордны вынік Турына-2006 (1 залаты, 6 сярэбраных, 2 бронзавыя медалі).

На XIV летняй Паралімпіядзе беларуская каманда з 10 узнагародамі (5 залатых, 2 сярэбраныя, 3 бронзавыя) заняла 25-е месца ў падагульняючым медальным заліку. З 10 узнагарод беларускай каманды на Паралімпійскіх гульнях-2012 у Лондане 6 заваяваў плывец Ігар Бокій у катэгорыях S13 і SM13.

На зімовых Паралімпійскіх гульнях-2014 у Сочы нацыянальная зборная з 3 бронзавымі ўзнагародамі заняла 18-месца. Беларускія паралімпійцы Васіль Шапцябой і Ядвіга Скорабагатая сталі бронзавымі прызёрамі ў біятлоне і лыжных гонках.

Каляндар міжнародных спаборніцтваў у Беларусі 2012-2020

2012

Чэмпіянат свету па фігурным катанні на каньках сярод юніёраў
Мінск, 27 лютага - 4 сакавіка                                 больш  падрабязна…

Фінальны этап Кубка свету па мастацкай гімнастыцы
Мінск, 13 - 15 ліпеня

2013

Чэмпіянат свету па велагонках на трэку
Мінск, 20 - 24 лютага                                             больш падрабязна…

Чэмпіянат Еўропы па акадэмічным веславанні сярод юніёраў
Мінская вобласць, Заслаўе, 25 - 26 мая

Чэмпіянат Еўропы па боксе
Мінск, 30 мая - 9 чэрвеня                                      больш падрабязна…

2014

Чэмпіянат свету па хакеі
Мінск, 9 - 25 мая                                                   больш падрабязна…

Чэмпіянат свету па веславанні на байдарках і каноэ сярод студэнтаў
Мінская вобласць, Заслаўе, жнівень                    больш падрабязна...

2015

Чэмпіянат свету па біятлоне сярод юнакоў і юніёраў
Мінская вобласць, Раўбічы, 17 - 24 лютага          больш падрабязна...

Этап Кубка свету па фрыстайле (паветраная акрабатыка)
Мінская вобласць, Раўбічы, 1 сакавіка

Чэмпіянат свету па футзале (футболе ў залах)
Мінск, Брэст, Пінск, Барысаў, Маладзечна, 17 - 25 красавіка   больш падрабязна... 

Чэмпіянат Еўропы па мастацкай гімнастыцы
Мінск, 1 - 3 мая  

Фінал Кубка свету па сучасным пяцібор'і
Мінск, 12 - 14 чэрвеня                                          больш падрабязна...

Чэмпіянат Еўропы па баскетболе 3х3 сярод юнакоў і дзяўчат (да 18 гадоў)
Мінск, 21 - 23 жніўня                         больш падрабязна...

2016

Чэмпіянат свету па веславанні на байдарках і каноэ сярод моладзі і юніёраў
Мінская вобласць, Заслаўе   

Чэмпіянат Еўропы па футболе сярод дзяўчат (да 17 гадоў)
Мінск

Чэмпіянат Еўропы па канькабежным спорце
Мінск, 9 - 10 студзеня

2017

Фінал Кубка свету па шарт-трэку
Мінск, 10 - 12 лютага

Маладзёжны (U-23) чэмпіянат Еўропы па фехтаванні
Мінск, красавік

2018

IV Чэмпіянат свету сярод студэнтаў па канькабежным спорце
Мінск

2019

Летні Еўрапейскі юнацкі алімпійскі фестываль
Мінск                                                                   больш падрабязна...

Чэмпіянат Еўропы па фігурным катанні
Мінск, 21 - 27 студзеня                                      больш падрабязна...

V Усебеларускі народны сход
Праграма развіцця Беларусі на 2016-2020 гады (праект)
Парламенцкія выбары 2016 года ў Беларусі
Помнікі Вялікай Айчыннай вайны ў Беларусі
Дэнамінацыя ў Беларусі: новыя грошы
Платныя дарогі ў Беларусі