Беларусь на Алімпійскіх гульнях-2020 у Токіа | Belarus.by | Спорт у Беларусі | Belarus.by | Пра Беларусь | Belarus.by | Афіцыйны сайт Рэспублікі Беларусь
Афіцыйны сайт Рэспублікі Беларусь
Пра Беларусь

Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Пра Беларусь | Спорт | Беларусь на Алімпіядзе-2020 у Токіа

Беларусь на Алімпійскіх гульнях-2020 у Токіа


Беларусь – у ліку краін-удзельніц XXXII летніх Алімпійскіх гульняў, якія з-за пандэміі каранавіруса COVID-19 адбудуцца на год пазней і пройдуць у Токіа з 23 ліпеня па 8 жніўня 2021 года. Там плануецца разыграць 339 камплектаў медалёў у 33 відах спорту.

Для Японіі гэта будзе ўжо чацвёртая Алімпіяда ў гісторыі (разам з зімовымі ў Сапара і Нагана) і другая летняя. Больш за паўстагоддзе таму – у 1964-м – сталіца ўпершыню прымала летнія Гульні, якія сталі сапраўдным тэхналагічным прарывам у арганізацыі і правядзенні. Сярод дасягненняў, напрыклад, маштабная спадарожнікавая ТБ-трансляцыя, дзякуючы якой упершыню спаборніцтвы ў прамым эфіры ўбачылі жыхары многіх краін свету.

Чакаецца, што на маючы адбыцца галоўны турнір чатырохгоддзя ў Токіа прыедуць амаль 12 500 лепшых спартсменаў планеты. Акрамя сталіцы, алімпійцаў убачаць і ў Сапара (востраў Хакайда): з-за чаканага гарачага надвор'я арганізатары перанеслі ў гэты горад старты ў марафоне і хадзьбе на доўгія дыстанцыі.

Афіцыйна краінай – гаспадыняй Гульняў-2020 Японія была аб'яўлена ў верасні 2013 г. на 125-й сесіі МАК у Буэнас-Айрэсе. Токіа абышоў заяўкі іспанскага Мадрыда і турэцкага Стамбула.

Пасля кансультацыі арганізатараў з МАК у ліпені 2021 года было аб’яўлена, што спаборніцтвы Алімпіяды ў Токіа пройдуць без замежных і мясцовых гледачоў. Прычынай паслужыла сітуацыя з каранавірусам.

Лагатып Алімпіяды-2020 – кальцо ў традыцыйным японскім колеры індыга і белым, якое нагадвае падобны да шахматнай дошкі старажытны клятчасты ўзор эпохі Эда. Яно сімвалізуе разнастайнасць краін і культур, аб'яднаных спортам. Гарманічная клятчастая эмблема і ў Паралімпіяды-2020. Аўтар – мастак Асаа Токала.

Талісманы будучых Гульняў – вясёлыя робаты ў стылі анімэ з сінім і ружовым узорам па матывах усё таго ж клятчастага "іцімацу".

У імені алімпійскага героя Мірайтова (Miraitowa, вымаўляецца mee-rah-e-toh-wa) сышліся японскія словы "будучыня" (mirai) і "вечнасць" (towa). Паводле слоў арганізатараў, "яно выбрана для падтрымання будучыні, поўнай вечнай надзеі, у сэрцах людзей ва ўсім свеце".

Імя бела-ружовага паралімпійскага талісмана Сомэйці (soh-may-tee) паходзіць ад назвы папулярнага сорту сакуры Somei-yoshino, а таксама нагадвае англійскае "So mighty" – "такі магутны". І гэта знак павагі паралімпійцам, "якія пераадольваюць перашкоды і пераасэнсоўваюць межы магчымага".

У праграму Токіа-2020 уключаны новыя віды спорту: каратэ, сёрфінг, скейтбордынг і спартыўнае скалалажанне – упершыню ў гісторыі алімпійскага руху, а таксама бейсбол/сафтбол, які вяртаецца пасля 12-гадовага перапынку. Аднак дапаўненне актуальна толькі для цяперашніх Гульняў. Акрамя таго, у традыцыйныя Алімпійскія віды дабаўлены 16 новых дысцыплін:

акадэмічнае веславанне – расхінныя бязрульныя чацвёркі (жанчыны);

баскетбол – спаборніцтвы ў фармаце 3х3 (мужчыны, жанчыны);

веласпорт – мэдысан у спаборніцтвах на трэку (мужчыны, жанчыны); BMX (мужчыны, жанчыны);

дзюдо – камандныя спаборніцтвы;

лёгкая атлетыка – змешаная эстафета 4х400;

настольны тэніс – турнір змешаных пар;

плаванне – 800 м (мужчыны), 1500 м (жанчыны), змешаная эстафета 4х100;

стральба з лука – змешаныя камандныя спаборніцтвы;

трыятлон – змешаныя камандныя спаборніцтвы;

фехтаванне – спаборніцтвы ў каманднай рапіры (жанчыны), каманднай шаблі (мужчыны).

Алімпіяда-2020 абяцае стаць самай высокатэхналагічнай і экалагічнай. Чакаецца, што Вёску атлетаў і месцы правядзення спаборніцтваў забяспечаць электраэнергіяй сонечныя і ветравыя ўстаноўкі, а мерапрыемствы будуць абслугоўваць робаты, якія выконваюць, напрыклад, функцыі перакладчыкаў і перавозчыкаў грузаў.

Медалі Токіа-2020 – а гэта 5 тысяч узнагарод – былі часткова выраблены з перапрацаваных электронных устройстваў, якія сабралі самі японцы. Па ўсёй краіне дзейнічалі каля 4 тысяч пунктаў прыёму, куды прынеслі амаль 79 тысяч тон няспраўнай тэхнікі, уключаючы 6,21 млн адных толькі мабільных тэлефонаў!

Каманда Беларусі на Алімпіядзе-2020

НАК Беларусі 9 ліпеня 2021 года апублікаваў канчатковы склад на Гульні ў Токіа. Нашу краіну на галоўных стартах чатырохгоддзя прадставяць 108 спартсменаў у 20 відах спорту. Сярод іх як зорныя спартсмены – пераможцы і прызёры чэмпіянатаў свету і Еўропы, чэмпіёны Алімпійскіх і Еўрапейскіх гульняў, так і паспяховыя навічкі вялікіх стартаў.

У спіс беларускіх атлетаў на XXXII Алімпійскіх гульнях увайшлі:

Акадэмічнае веславанне: Алена Фурман, Іна Нікуліна, Таццяна Клімовіч, Сяргей Валадзько, Дзмітрый Фурман

Бокс: Дзмітрый Асанаў, Аляксандр Радзівонаў, Віталь Бандарэнка, Уладзіслаў Cмяглікаў

Барацьба: вольная – Алі Шабанаў, Аляксандр Гуштын, Дзяніс Храмянкоў, Магамедхабіб Кадзімагамедаў, грэка-рымская – Кірыл Маскевіч, жаночая – Ванэса Каладзінская, Ірына Курачкіна, Васіліса Марзалюк

Веласпорт: Таццяна Шаракова, Алена Амялюсік, Аляксандр Рабушэнка, Яўген Каралёк

Веславанне на байдарках і каноэ: у гэтым відзе спорту ў Беларусі моцная паспяховая зборная, і па выніках серыі міжнародных стартаў вызначаны 12 спартсменаў, якія прадставяць краіну ў Токіа-2020. Сярод лідараў каманды, на рахунку якіх шмат узнагарод сусветных турніраў, а таксама 10 медалёў дамашніх Еўрапейскіх гульняў-2019 – Вольга Худзенка, Марына Літвінчук, Алена Наздрова, Надзея Макарчанка, Вольга Клімава, Алег Юрэня…Таксама ў склад уключаны: Мікіта Барыкаў, Дзмітрый Натынчык, Ілья Федарэнка, Уладзіслаў Літвінаў, Надзея Папок, Маргарыта Махнёва, Дарына Пікулева

Дзюдо: Дзмітрый Мінькоў, Мікіта Свірыд, Марына Слуцкая

Конны спорт: Аляксандр Зелянко, Аляксандр Фаміноў

Лёгкая атлетыка: Вольга Мазуронак, Ніна Савіна, Алёна Дубіцкая, Дзмітрый Дзюбін, Карына Дзямідзік (Таранда), Эльвіра Герман, Таццяна Халадовіч, Ганна Малышчык, Дар'я Барысевіч, Глеб Дудараў, Вікторыя Рашчупкіна, Ірына Жук, Хрысціна Ціманоўская, Максім Недасекаў, Ганна Церлюкевіч, Настасся Маслава, Аляксей Каткавец, Яўген Багуцкі, Віялета Скварцова, Павел Мялешка, Іван Ціхан, Юрый Васільчанка, Марыя Жодзік, Віталь Парахонька, Настасся Мірончык-Іванова, Віталь Жук, Аляксандр Ляховіч, Настасся Рароўская, Аляксандра Хільмановіч, Юлія Блізнец, Хрысціна Мулярчык, Ганна Міхайлава, Астэрыя Уза Лімай, Дзмітрый Набокаў

Парусны спорт: Таццяна Драздоўская, Мікіта Цыркун

Плаванне: Настасся Шкурдай, Ілья Шымановіч, Мікіта Цмыг, Аліна Змушко, Яўген Цуркін, Арцём Мачэкін, Настасся Куляшова, Настасся Каракоўская

Скачкі на батуце: Уладзіслаў Ганчароў, Іван Літвіновіч

Сучаснае пяцібор'е: Вольга Сілкіна, Настасся Пракапенка, Ілья Палазкоў

Спартыўная гімнастыка: Ганна Траўкова

Стральба з лука: Карына Казлоўская, Карына Дзёмінская, Ганна Марусава

Стральба кулявая: Марыя Мартынава, Юрый Шчарбацэвіч, Вікторыя Чайка

Сінхроннае плаванне: Дар’я Кулагіна, Васіліна Хандошка

Тэніс: Арына Сабаленка, Ягор Герасімаў, Ілья Івашка

Цяжкая атлетыка: Дар’я Навумава, Яўген Ціханцоў

Мастацкая гімнастыка: Настасся Салас, Аліна Гарнасько, каманда – Арына Цыцыліна, Настасся Рыбакова, Карына Ярмоленка, Ганна Гайдукевіч, Настасся Малаканава

Капітанам алімпійскай зборнай Беларусі быў выбраны двухразовы прызёр галоўных стартаў чатырохгоддзя па кіданні молата Іван Ціхан.

Лукашэнка даручыў напярэдадні Алімпіяды ўзяць кожнага алімпійца на індывідуальны кантроль

Лукашэнка - алімпійцам: спартыўныя дасягненні - не толькі асабісты трыумф

Ціхан: мы абяцаем прыкласці ўсе сілы і паказаць на Алімпіядзе максімальны вынік

На Гульнях у Токіа выступяць 109 беларускіх спартсменаў у 20 відах спорту

Брэнд нацыянальнай алімпійскай камандыTEAM BY. Ён быў прэзентаваны ў снежні 2018-га, і менавіта з Гульняў у Токіа беларусы афіцыйна пачнуць выступаць пад гэтай назвай. Ключавы элемент лагатыпа каманды і адзін з самых пазнаваемых сімвалаў Беларусі – бусел. Талісманам алімпійцаў таксама стала бусляня. Па выніках галасавання балельшчыкаў ён атрымаў імя Буслік.

Афіцыйны мэсэнджар алімпійцаў Беларусі – Viber. Дадатак, які зарадзіўся і прадаўжае развівацца ў беларускіх цэнтрах распрацоўкі, а сёння з'яўляецца актывам японскай кампаніі Rakuten, падтрымаў спартсменаў краіны. Дарэчы, НАК Беларусі стаў першым з 206 нацыянальных алімпійскіх камітэтаў, якія ўваходзяць у структуру Міжнароднага алімпійскага камітэта, які запусціў афіцыйную супольнасць у Viber. Летам 2019 года ў мэсэнджары таксама з'явіўся спецыяльны стыкерпак у падтрымку TEAM BY.

Спартыўную форму для каманды Беларусі на Гульні ў Токіа распрацоўваюць спецыялісты з айчынных кампаній "Сола-Пінск" і "Світанак". У снежні 2019-га базавыя камплекты прадставілі Прэзідэнту краіны і кіраўніку НАК Аляксандру Лукашэнку.

Беларускія фан-зоны на Алімпійскіх гульнях-2020

Падтрымаць беларускіх алімпійцаў і, вядома, бліжэй пазнаёміцца з нашай краінай – спартыўнымі дасягненнямі, культурай, традыцыямі, выдатнымі мясцінамі – можна будзе на фан-зонах, якія адкрыюцца ў час Алімпійскіх гульняў у Токіа.

Плануецца, што такія лакацыі будуць працаваць у некалькіх гарадах Японіі:

  • Токіа – рэстаран беларускай кухні "Мінск";
  • Тацікава (прэфектура Токіа);
  • Сіраісі (прэфектура Міягі);
  • Набарыбецу (акруга Ібуры, прэфектура Хакайда).

Акрамя трансляцый удзелу беларускіх спартсменаў у спаборніцтвах, тут будуць працаваць тэматычныя выстаўкі пра Беларусь, гісторыю і дасягненні айчынных алімпійцаў, двухбаковыя адносіны Беларусі і Японіі. Таксама запланаваны прэзентацыі прадукцыі беларускіх прадпрыемстваў-экспарцёраў, дэгустацыі нацыянальных страў і напіткаў.

Помнікі Вялікай Айчыннай вайны ў Беларусі