Афіцыйны сайт Рэспублікі Беларусь
ІII Минскі міжнародны Калядны конкурс вакалістаў
Пра Беларусь

Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Пра Беларусь | Спорт | ФК "БАТЭ"

Футбольны клуб БАТЭ (Барысаў)

Футбольны клуб ''БАТЭ'' (Барысаў) – самы яркі прадстаўнік Беларусі ў сучасным еўрапейскім футболе. У 2012 годзе дзявяты  раз стаў чэмпіёнам Беларусі (раней – у 1999, 2002, з 2006 па 2011 гады).

Год заснавання: 1973

Старшыня праўлення: Анатоль Капскі 

Генеральны дырэктар: Міхаіл Дземянцэвіч

Галоўны трэнер: Аляксандр Ермаковіч 

Асноўны склад:

Варатары: Сяргей Чэрнік, Арцём Сарока, Антон Чычкан, Дзяніс Шчарбіцкі;

Абаронцы: Віталь Гайдучык, Дубра Капар, Максім Жаўнерчык, Неманья Мілуновіч, Філіп Младзенавіч, Дзяніс Палякоў, Максім Валадзько;

Паўабаронцы: Дзмітрый Ліхтаровіч, Яўген Яблонскі, Аляксандр Карніцкі, Аляксандр Валадзько, Ілля Алексіевіч, Неманья Нікаліч, Аляксей Рыас, Ігар Стасевіч, Эдгар Аляхновіч, Дзмітрый Бага, Аляксандр Глеб;

Нападаючыя: Аляксандр Еўтыч, Мікалай Сігневіч, Дзмітрый Мазалеўскі, Віталь Радзівонаў, Міхаіл Гардзяйчук.

Асноўная форма: жоўтыя майкі і трусы, другая форма: сінія майкі і трусы.

Асноўныя дасягненні

БАТЭ дэбютаваў у еўракубках у 1999 годзе. Барысаўчане сустрэліся ў Кубку УЕФА з расійскім "Лакаматывам" у двухматчавым процістаянні, аднак уступілі больш вопытнаму саперніку.

Наступны раз у 2001 годзе БАТЭ выступаў у першым раўндзе Кубка УЕФА, дзе ўступіў італьянскаму "Мілану" ў двух матчах 0-2 і 0-4. Гэта дуэль была адзначана пераходам вядомага беларускага нападаючага Віталя Кутузава з БАТЭ ў італьянскі клуб, што стала самым гучным трансферам у гісторыі беларускага суверэннага футбола.

У 2002 годзе БАТЭ здолеў дайсці да трэцяга раўнда Кубка Інтэртота, выйграўшы ў нямецкага клуба "Мюнхен 1860" 1-0 у гасцях і 4-0 дома. Наступны сапернік БАТЭ ў тым еўракубкавым сезоне была італьянская "Балоння", якой барысаўчане ўступілі 0-2 па суме двух матчаў.

Пасля некалькіх сезонаў няўдалых спроб прабіцца ў групавую стадыю Лігі чэмпіёнаў падапечныя Віктара Ганчарэнкі здолелі перапісаць гісторыю беларускага клубнага футбола.

У сезоне 2008/2009 праціўнікамі БАТЭ па групе сталі еўрапейскія гранды - італьянскі "Ювентус", іспанскі "Рэал" і расійскі "Зеніт". Пасля першага прайгранага матчу супраць "Рэала" на легендарным "Сант'яга Бернабэу" ў Мадрыдзе (0-2) БАТЭ зрабіў своеасаблівую сенсацыю, згуляўшы 2-2 з "Ювентусам" на мінскім стадыёне "Дынама". Барысаўчане таксама дабіліся нічыёй супраць "Зеніта" (1-1) і ў сустрэчы ў адказ супраць "Ювентуса" (0-0).

У наступным сезоне БАТЭ прабіўся ў групавую стадыю Лігі Еўропы, якая да таго часу прыйшла на змену Кубку УЕФА. У групу да беларусаў трапілі грэчаскі АЕК, англійскі "Эвертан" і партугальская "Бенфіка". БАТЭ нядрэнна выглядаў на працягу турніру, дасягнуўшы добрага выніку супраць грэкаў (2-1, 2-2) і выйграўшы 1-0 заключны матч у групе супраць "Эвертана" на "Гудысан Парк". Тады барысаўчане завяршылі групавы раўнд на трэцім месцы.

У 2010 годзе БАТЭ зноў выступаў у Лізе Еўропы ў групе супраць кіеўскага "Дынама", галандскага "Алкмаара" і малдаўскага "Шэрыфа". У тым сезоне барысаўчане згулялі яшчэ лепш, заняўшы другое месца ў групе і прабіўшыся ў плэй-оф, дзе давялося згуляць з французскім клубам "Пары-Сен-Жэрмен". Першы матч праходзіў на мінскім стадыёне "Дынама" ў моцны мароз, і каманды забілі адзін аднаму па 2 мячы. Матч у адказ завяршыўся з лікам 0-0. Па правілах выязнога гола далей прайшоў ПСЖ, аднак выхад з еўракубкавай групы ў 2010 годзе стаў лепшым дасягненнем у гісторыі БАТЭ.

У сезоне 2011/2012 БАТЭ атрымаў права выступаць у групавой стадыі Лігі чэмпіёнаў другі раз. Барысаўчане прайгралі абедзве сустрэчы з іспанскай "Барселонай". З італьянскім "Міланам" БАТЭ ўдалося аднойчы згуляць унічыю 1-1, у другой сустрэчы беларускі клуб уступіў 0-2. Барацьба за трэцяе месца ў групе ішла паміж барысаўчанамі і чэшскай "Вікторыяй", аднак апошняя была мацнейшай (1-1, 0-1).

У сезоне 2012/2013 БАТЭ трэці раз кваліфікаваўся ў групавую стадыю Лігі чэмпіёнаў. Сапернікамі беларускага клуба сталі нямецкая "Баварыя", іспанская "Валенсія" і французскі "Ліль". У першых двух матчах БАТЭ сенсацыйна набраў 6 ачкоў, выйграўшы ў "Ліля" ў гасцях 3-1, а затым перайграўшы "Баварыю" 3-1 дома. Наступныя чатыры матчы для БАТЭ прайшлі няўдала. Аднак барысаўчане атрымалі пуцёўку ў плэй-оф Лігі Еўропы, паўтарыўшы сваё лепшае клубнае дасягненне.

У 1/16 Лігі Еўропы сапернікам беларускага клуба стаў турэцкі "Фенербахчэ". Першы матч двухраўндавага процістаяння прайшоў у Беларусі і завяршыўся нічыёй 0-0. У матчы ў адказ барысаўчане мінімальна ўступілі турэцкім сапернікам 0-1.

Будучы чэмпіёнамі Беларускай прэм'ер-лігі сезона 2012 года, футбалісты БАТЭ атрымалі права прадстаўляць краіну ў сезоне 2013/2014 Лігі Чэмпіёнаў. Жэрабя звяло барысаўчын з карагандзінскім клубам "Шахцёр" у другім кваліфікацыйным раўндзе. Нягледзячы на напор БАТЭ, у першым матчы казахстанскі клуб выстаяў і, скарыстаўшыся замяшаннем беларусаў, здолеў забіць (0:1). У другім матчы ў Казахстане барысаўскі клуб таксама не змог знайці ключ да абароны сапернікаў і, захапіўшыся атакай, прапусціў мяч на апошніх мінутах. Такім чынам, агульны лік 0:2 па суме дзвюх сустрэч пазбавіў  БАТЭ шанцаў на пападанне ў групавы этап Лігі Чэмпіёнаў сезона 2013/2014.

 

V Усебеларускі народны сход
Праграма развіцця Беларусі на 2016-2020 гады (праект)
Парламенцкія выбары 2016 года ў Беларусі
Помнікі Вялікай Айчыннай вайны ў Беларусі
Дэнамінацыя ў Беларусі: новыя грошы
Платныя дарогі ў Беларусі