Міжнародны фестываль Юрыя Башмета ў Мінску | Беларуская культура | Belarus.by | Пра Беларусь | Belarus.by | Афіцыйны сайт Рэспублікі Беларусь
У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Пра Беларусь

Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Пра Беларусь | Культура | Міжнародны фестываль Юрыя Башмета

Міжнародны фестываль Юрыя Башмета ў Мінску

Юрый Башмет і камерны аркестр "Салісты Масквы"
Юрый Башмет і камерны аркестр "Салісты Масквы"

Фестываль Юрыя Башмета – форум у галіне культуры сусветнага ўзроўню, які аб'ядноўвае лепшых музыкантаў сучаснасці.

Аб фестывалі

Міжнародны фестываль класічнай музыкі Юрыя Башмета праводзіцца ў Беларусі штогод з 2006 года.

Фестываль садзейнічае захаванню і развіццю класічнага мастацтва, прызначаны падтрымліваць маладыя таленты і наватарства ў галіне культуры. Адна з галоўных ідэй фестывалю - прадаставіць магчымасць маладым таленавітым музыкантам выступіць на адной сцэне з сусветна вядомымі артыстамі, што садзейнічае не толькі павышэнню ўзроўню выканальніцкага майстэрства маладых артыстаў, іх кар'ернаму росту, але і ўмацаванню сувязей у галіне міжнароднага культурнага супрацоўніцтва.

Па традыцыі, Міжнародны фестываль Юрыя Башмета збірае ў Беларусі выдатных артыстаў нашага часу. У розныя гады сярод іх Віктар Траццякоў, Наталля Гутман, Максім Венгераў, Вадзім Рэпін, Мікалай Луганскі, Бары Дуглас, салісты Вялікага і Марыінскага тэатраў, знакамітыя калектывы "Салісты Масквы", "Камерата Канцэртгебау Амстэрдам", секстэт Берлінскага філарманічнага аркестра, Дзяржаўны сімфанічны аркестр "Новая Расія"...

Фестывальныя канцэрты з поспехам праходзяць у лепшых залах краіны – Палацы Рэспублікі, Вялікім тэатры оперы і балета Беларусі, Беларускай дзяржаўнай філармоніі, канцэртнай зале "Верхні горад" (Мінск), а таксама Летнім амфітэатры Віцебска, на пляцоўках іншых рэгіёнаў Беларусі.

Аўтарам ідэі фестывалю і яго мастацкім кіраўніком з'яўляецца вядомы беларускі піяніст, лаўрэат міжнародных конкурсаў Расціслаў Крымер. Сусветна вядомы музыкант Юрый Башмет ганаровы сустаршыня арганізацыйнага камітэта фестывалю.

Маладзёжная музычная акадэмія краін СНД

У рамках Міжнароднага фестывалю Юрыя Башмета штогод праходзіць Маладзёжная музычная акадэмія краін СНД, якая не мае аналагаў на ўсёй прасторы Садружнасці.

Акадэмія ўключае майстар-класы вядомых выкладчыкаў, індывідуальныя заняткі, творчыя сустрэчы студэнтаў унікальнай навучальнай установы з сусветна вядомымі артыстамі і педагогамі, а таксама сумеснае выступленне мэтраў і маладых музыкантаў.

Мерапрыемства праводзіцца пры падтрымцы Міждзяржаўнага фонду гуманітарнага супрацоўніцтва дзяржаў-удзельніц СНД і Міністэрства культуры Беларусі.

Першая музычная акадэмія, арганізаваная ў 2009 годзе, аб'яднала 21 маладога музыканта з васьмі краін СНД. У 2010 годзе навучанне ў акадэміі прайшлі больш за 30 таленавітых музыкантаў, навучэнцаў вышэйшых навучальных музычных устаноў краін Садружнасці, па некалькіх спецыяльнасцях - акадэмічныя спевы, скрыпка, альт, віяланчэль і фартэпіяна.

Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску