Мінская вобласць

Флагман айчыннага машынабудавання Беларускі аўтамабільны завод (БелАЗ). Жодзіна

Мінская вобласць – адна з шасці абласцей Беларусі. Размешчана ў цэнтральнай частцы краіны.

Рэгіён не мае граніц з іншымі дзяржавамі, затое мяжуе з усімі іншымі абласцямі рэспублікі.

Мінская вобласць – самая вялікая па тэрыторыі і адна з найбольш эканамічна развітых.

Амаль 15,3% насельніцтва Беларусі пражывае ў Мінскай вобласці.

Гарады і пасёлкі Мінскай вобласці

Абласныя органы мясцовага кіравання знаходзяцца ў Мінску, хоць адміністрацыйна і тэрытарыяльна сталіца не ўваходзіць у яе склад. На тэрыторыі вобласці размешчаны 24 гарады, 19 пасёлкаў гарадскога тыпу, 5212 сельскіх населеных пунктаў.

Транспартныя зносіны Мінскай вобласці

Мінская вобласць размешчана на перакрыжаванні асноўных транспартных маршрутаў, якія звязваюць Заходнюю Еўропу і Усход, рэгіёны Чарнаморскага ўзбярэжжа і краіны Балтыі.

У вобласці створана разгалінаваная сетка аўтамабільных дарог.

Чыгуначная сетка вобласці злучае Расію і Еўропу, краіны Балтыі і паўднёвыя дзяржавы СНД.

Прамысловасць Мінскай вобласці

Прамысловасць Мінскай вобласці мае шматгаліновы характар і ўключае:

хімічную
лёгкую
машынабудаванне (грузавікі, станкі)
будаўнічыя матэрыялы (бетон)
электроніку
мэблю

значная доля прамысловасці сканцэнтравана ў пяці гарадах (працэнт прамысловасці вобласці пазначаны ў дужках):

Салігорск (25,5%)
Барысаў (19,8%)
Жодзіна (13,95%)
Слуцк (7,2%)
Маладзечна (6%)

Прыродныя рэсурсы Мінскай вобласці

Мінская вобласць мае багатыя радовішчы карысных выкапняў, у т.л.:

калійная і каменная соль
будматэрыялы
торф
гаручыя сланцы
мел
жалезная руда

Сельская гаспадарка Мінскай вобласці

Мінская вобласць з’яўляецца буйнейшым сельскагаспадарчым рэгіёнам Беларусі. У большасці раёнаў развіта мяса-малочная жывёлагадоўля, птушкагадоўля, вытворчасць збожжа, бульбаводства ў спалучэнні з ільнаводствам, а на паўднёвым захадзе – з буракаводствам. Сельскагаспадарчыя прадпрыемствы каля буйных гарадоў дадаткова спецыялізуюцца на вырошчванні агародніны і садавіны.

Культура і спорт у Мінскай вобласці

У Мінскай вобласці размешчаны 68 спартыўных стадыёнаў і некалькі спецыялізаваных спартыўных школ.
Выдаюцца 35 газет, працуюць 23 рэдакцыі мясцовага радыё і абласная FM-радыёстанцыя, а таксама 4 мясцовыя тэлеканалы.

Выдатныя мясціны Мінскай вобласці

У спіс гісторыка-культурных каштоўнасцей Рэспублікі Беларусь уключана 667 аб’ектаў, размешчаных на тэрыторыі Мінскай вобласці, у т.л.:

цэрквы ў Барысаве (XVIII ст.)
археалагічныя і архітэктурныя помнікі ў Лагойску (XIX ст.)
Заслаўскі замак (XVI–XVII стст.)
Цэрквы ў Вілейцы (XV і XIX стст.)
манастыр бернардзінцаў у Будславе (1783 г.)
Свірская царква (1909 г.)
Валожынскі палац (XIX ст.)
францысканскі манастыр у Івянцы (1606 г.)
маёнтак Ю.Радзівіла ў в. Красная Звязда, Клецк (XVIII ст.)
Слуцкая царква (XVIII ст.)