Афіцыйны сайт Рэспублікі Беларусь
ІII Минскі міжнародны Калядны конкурс вакалістаў
Пра Беларусь

Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Пра Беларусь | Культура | Беларусь на "Еўрабачанні"

Беларусь на "Еўрабачанні"

Прадстаўнік Беларусі на дзіцячым "Еўрабачанні-2011" Лідзія Заблоцкая
Прадстаўнік Беларусі на дзіцячым "Еўрабачанні-2011" Лідзія Заблоцкая

Удзел прадстаўнікоў Беларусі ў "Еўрабачанні", паспяховае правядзенне ў Мінску дзіцячага "Еўрабачання-2010" - у ліку значных культурных падзей у Беларусі.

З гісторыі ўдзелу Беларусі ў "Еўрабачанні"

Беларусь удзельнічае ў міжнародным конкурсе песні "Еўрабачанне" з 2004 года. У розныя гады Беларусь на конкурсе прадстаўлялі:

  • "Аляксандра і Канстанцін" (2004), "My Galileo", 9-е месца ў паўфінале   
  • Анжаліка Агурбаш (2005), "Love me tonight", 13 месца ў паўфінале
  • Паліна Смолава (2006), "Mum", 22 месца ў паўфінале
  • Дзмітрый Калдун (2007), "Work your magic", 6 месца ў фінале
  • Руслан Аляхно (2008), "Hasta La Vista", 17 месца ў паўфінале
  • Пётр Ялфімаў (2009), "Eyes that never lie", 13 месца ў паўфінале
  • Група "3+2" (2010), "Butterflies", 24 месца ў фінале
  • Настасся Віннікава (2011), "I Love Belarus", 14 месца ў паўфінале
  • Група ''Litesound'' (2012), ''We Are The Heroes'', 16 месца ў паўфінале
  • Алёна Ланская (2013), "Solayoh", 16 месца ў фінале
  • Юрый Вашчук (Тэа) (2014), "Cheesecake", 16 месца ў фінале
  • Uzari & Maimuna (2015), "Time", 12 месца ў паўфінале
  • IVAN (Аляксандр Іваноў) (2016), "Help You Fly", 12 месца ў паўфінале

У студзені 2013 года па выніках галасавання сярод аматараў "Еўрабачання" і журналістаў, якія прафесійна асвятляюць конкурс, удзельнікі беларускай групы "Litesound" прызнаны лепшымі выканаўцамі за апошнія 10 гадоў і ўзнагароджаны міжнароднай прэміяй "EUROSTART AWARD-2012".

Нацыянальны адборачны конкурс на "Еўрабачаннe"

Штогод у Беларусі праводзіцца нацыянальны адборачны тур міжнароднага конкурсу песні "Еўрабачанне", арганізатарамі якога ў розныя гады выступалі Белтэлерадыёкампанія і тэлеканал АНТ.

Беларусь на "Еўрабачанні-2016" у Стакгольме (Швецыя)

На міжнародным конкурсе песні "Еўрабачанне-2016" Беларусь прадставіў пераможца Нацыянальнага адборачнага тура выканаўца IVAN (Аляксандр Іваноў), які выступіў у другім паўфінале (12 мая) з кампазіцыяй "Help You Fly" ("Дапамагу табе лётаць").

Беларусь на дзіцячым "Еўрабачанні"

Беларусь удзельнічае ў міжнародным дзіцячым песенным конкурсе "Еўрабачанне" з пачатку яго арганізацыі ў 2003 годзе. Нашу краіну на Junior Eurovision Song Contest прадстаўлялі:

  • Вольга Сацюк (2003), "Танцуй", 4 месца
  • Ягор Воўчак (2004), "Спявайце са мною", 14 месца
  • Ксенія Сітнік (2005), "Мы разам", 1 месца
  • Андрэй Кунец (2006), "Новы дзень", 2 месца
  • Аляксей Жыгалковіч (2007), "З сябрамі", 1 месца
  • Даша, Аліна, Карына (2008), "Сэрца Беларусі", 6 месца
  • Юрый Дземідовіч (2009), "Чароўны трусік", 9 месца
  • Данііл Казлоў (2010), "Музыкі святло", 5 месца
  • Лідзія Заблоцкая (2011), "Анёлы дабра", 3 месца
  • Ягор Жэшка (2012), "А мора-мора...", 9 месца
  • Ілья Волкаў (2013), "Спявай са мной", 3 месца
  • Надзея Місякова (2014), "Сокал", 7 месца
  • Руслан Асланаў (2015), "Волшебство", 4 месца
  • Саша Мінёнак (2016), "Музыка маіх перамог", 7 месца

Поспех юных талентаў з Беларусі на дзіцячым "Еўрабачанні" пацвярджаецца высокімі прызавымі месцамі. На рахунку нашай краіны – дзве перамогі ў гэтым конкурсе. У 2005 годзе Ксенія Сітнік стала трыўмфатарам з песняй "Мы разам", а ў 2007 Аляксей Жыгалковіч заваяваў Еўропу кампазіцыяй "З сябрамі".

У чэрвені 2010 года Еўрапейскі вяшчальны саюз (ЕВС) афіцыйна даверыў Беларусі правесці дзіцячае "Еўрабачанне-2010" у Мінску. Праведзены ў Мінску конкурс "Еўрабачанне-2010" стаў яркай падзеяй не толькі для жыхароў краіны, але таксама для гасцей і ўдзельнікаў музычнага спаборніцтва. ЕВС ацаніў шоу як фантастычнае: цудоўны дызайн і афармленне сцэны, таленавітыя вядучыя, прафесійная аператарская работа, выдатная тэлевытворчасць.

Беларусь на дзіцячым "Еўрабачанні-2016" у Валеце (Мальта)

Штогод па выніках рэспубліканскага адборачнага тура, які праводзіць Белтэлерадыёкампанія, вызначаецца прадстаўнік Беларусі на Junior Eurovision Song Contest.

У гэтым годзе ў фінале нацыянальнага адбору атрымаў перамогу 13-гадовы выканаўца, выхаванец мінскага тэатра эстраднай песні "Хвiлiнка" –  Саша Мінёнак з кампазіцыяй "Музыка маіх перамог" на рускай мове. На прэстыжным конкурсе юны беларус выступіў з танцавальным ансамблем "Сенсацыя" (Кірыл Мяхоўскі, Уладзіслаў Башметаў, Валерыя Ільчанка і Карына Васілеўская) пад 9-м нумарам.

Міжнародны дзіцячы песенны конкурс "Еўрабачанне-2016" адбудзецца 20 лістапада ў горадзе Валета (Мальта).

Беларусь на конкурсе маладых музыкантаў "Еўрабачанне" (Eurovision Young Musicians)

У міжнародным конкурсе класічнай музыкі для маладых музыкантаў "Еўрабачанне" Беларусь удзельнічае з 2010 года.

Першы прадстаўнік Беларусі на конкурсе віяланчэліст Іван Карызна ўвайшоў у фінал конкурсу (з ліку 14 прэтэндэнтаў), пакарыўшы журы сваёй віртуознай тэхнікай.

Цымбалістка Аляксандра Дзенісеня, лаўрэат многіх міжнародных і рэспубліканскіх конкурсаў, прадставіла Беларусь на конкурсе маладых музыкантаў "Еўрабачанне-2012" у маі ў Вене.

Беларусь на танцавальным конкурсе "Еўрабачанне-2013" (Eurovision Young Dancers 2013) у Гданьску (Польшча)

Беларусь упершыню прыняла ўдзел у 15-м конкурсе маладых танцораў "Еўрабачанне-2013", які прайшоў 14 чэрвеня ў Гданьску.

Прадстаўніцай нашай краіны стала вучаніца Беларускай дзяржаўнай харэаграфічнай гімназіі-каледжа Яна Штангей, якая займаецца пад кіраўніцтвам народнай артысткі Беларусі, заслужанай артысткі Расіі Клары Малышавай.

На сцэне Балтыйскай дзяржаўнай оперы Яна Штангей выканала варыяцыю Эсмеральды з балета "Эсмеральда" па матывах рамана Віктора Гюго "Сабор Парыжскай Божай Маці" на музыку Цэзара Пуні.

V Усебеларускі народны сход
Праграма развіцця Беларусі на 2016-2020 гады (праект)
Парламенцкія выбары 2016 года ў Беларусі
Помнікі Вялікай Айчыннай вайны ў Беларусі
Дэнамінацыя ў Беларусі: новыя грошы
Платныя дарогі ў Беларусі