У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Фота | Беларусь на "Еўрабачанні-2019": спявачка ZENA прайшла ў фінал песеннага конкурсу

Like it: беларуская спявачка ZENA прайшла ў фінал "Еўрабачання-2019"

Like it: беларуская спявачка ZENA прайшла ў фінал
14 Май 2019

Адзін з самых чаканых музычных праектаў года – 64-ы конкурс "Еўрабачанне" – стартаваў у Тэль-Авіве. Першы паўфінал увечары 14 мая сабраў прадстаўнікоў 17 краін, і толькі 10 з іх выступяць 18 мая ў фінальным шоу. Па выніках галасавання ў лік шчасліўчыкаў увайшлі выканаўцы з Грэцыі, Сербіі, Кіпра, Эстоніі, Чэхіі, Аўстраліі, Ісландыі, Сан-Марына і Славеніі. У іх ліку і 16-гадовая беларуска ZENA, якая напярэдадні атрымала кранальны тытул прынцэсы "Еўрабачання-2019". Юная выканаўца выйшла на сцэну Expo Tel Aviv пад 8-м нумарам з яркім шоу ў стылі "нулявых" – і насуперак прагнозам букмекераў пакарыла сэрцы гледачоў!

Беларусь 16-ы раз прымае ўдзел у самым папулярным песенным шоу Еўропы. У першым паўфінале разам з нашай канкурсанткай за пуцёўку ў фінал спаборнічалі выканаўцы з Кіпра, Чарнагорыі, Фінляндыі, Польшчы, Славеніі, Чэхіі, Венгрыі, Сербіі, Бельгіі, Грузіі, Аўстраліі, Ісландыі, Эстоніі, Партугаліі, Грэцыі, Сан-Марына.

Аднак, як і абяцала напярэдадні, юная беларуская прынцэса прадэманстравала вытрымку і паказала еўрапейскім гледачам яркі, стыльны музычны нумар у духу 2000-х. Зрэшты, настрой падказала і сама песня "Like it", якая ўжо заваявала паклоннікаў па ўсім свеце, а свежы кліп набраў больш за 210 тысяч праглядаў на YouTube-канале спявачкі.

"Мне і маёй камандзе вельмі прыемна, што "Like it" ведаюць і спяваюць у Еўропе. У Ізраілі многія, сустрэўшы мяне на вуліцы, адразу пазнаюць і пачынаюць спяваць словы песні. Я атрымліваю тысячы каментарыяў штодзень са многіх краін свету. Наша кампазіцыя вельмі запамінальная і падабаецца аўдыторыі", – прызналася беларуская выканаўца ў адным з інтэрв’ю.

Яркія моманты першага паўфіналу"Еўрабачання-2019" – у рэпартажы з Тэль-Авіва.

Адкрыла конкурс трыумфатар "Еўрабачання-2018" Нета Барзілай
Тамта (Кіпр)
D-moll (Чарнагорыя)
Darude feat. Sebastian Rejman (Фінляндыя)
Тулія (Польша)
1 2 3 4 5  [6..7]      Наступная