Турыстычныя візы для Беларусі
Большасці замежных гасцей для ўезду ў Беларусь неабходна атрымаць адзін з відаў віз (транзітная, кароткатэрміновая/доўгатэрміновая, аднаразовая/шматразовая)
Каму неабходна беларуская віза
Большасці іншаземцаў для наведвання Беларусі неабходна атрымаць візу.
Віза не патрэбна:
- грамадзянам краін СНД (акрамя Туркменістана)
- грамадзянам Кубы (для знаходжання працягласцю не больш як 30 дзён)
- грамадзянам Сербіі і Чарнагорыі (для знаходжання працягласцю не больш як 30 дзён)
- грамадзянам Манголіі
Выключэнне таксама складаюць уладальнікі дыпламатычных пашпартоў з:
- Аргенціны
- Бразіліі
- Кітайскай Народнай Рэспублікі
- Венгрыі
- Індыі
- Ірана
- Македоніі
- Румыніі
- Славакіі
- Туркменістана
- Турцыі
- В’етнама
Усім астатнім іншаземцам для наведвання Беларусі патрэбны візы.
Як выбраць візу
Кароткатэрміновая віза – тып візы, які найбольш часта выкарыстоўваецца. Такія візы выдаюцца на тэрмін да 90 дзён і падыходзяць для:
- бізнесменаў
- студэнтаў
- уезду па прыватных справах
Кароткатэрминовыя візы могуць быць для аднаразовага, двухразовага або шматразовага ўезду ў залежнасці ад неабходнасці.
Турысты звычайна атрымліваюць групавую кароткатэрміновую візу праз турыстычнае агенцтва.
Доўгатэрміновыя візы звычайна сапраўдныя на працягу аднаго года і прадугледжваюць шматразовы ўезд у Беларусь. Яны падыходзяць для:
- бізнесменаў, якія часта прыязджаюць
- турыстаў, якія жадаюць застацца ў краіне на больш працяглы час
Транзітная віза выдаецца на тэрмін да аднаго года і прадастаўляе два дні для праезду праз Беларусь.
Як атрымаць візу
Візы выдаюцца:
- консульскімі аддзяленнямі Беларусі
- дыпламатычнымі прадстаўніцтвамі Беларусі
- консульскім цэнтрам Міністэрства замежных спраў у аэрапорце Мінска (для грамадзян з краін, дзе няма прадстаўніцтваў Беларусі)
Для атрымання візы неабходна прадаставіць наступныя дакументы ў мясцовае консульскае аддзяленне або прадстаўніцтва:
- запоўненую анкету для атрымання візы
- 1 фатаграфію пашпартнага ўзору
- суправаджальныя дакументы (арыгінал пісьмовага запрашэння з подпісам і пячаткай запрашаючага боку ў выпадку, калі запрашае кампанія)
- іншыя дакументы, агавораныя консульскім аддзелам (у залежнасці ад мэты візіту і тыпу неабходнай візы)
- пашпарт (дата заканчэння тэрміну дзеяння павінна быць не менш як 90 дзён ад даты заканчэння тэрміну дзеяння візы)
Віза пасля прыбыцця
Звычайна атрымаць візу пасля прыбыцця немагчыма, і большасць авіякампаній не дазволяць вам ляцець без сапраўднай візы.
Аднак іншаземцы, якія прыбываюць у Беларусь з краіны, дзе няма прадстаўніцтва, могуць атрымаць візу пасля прыбыцця ў Нацыянальным аэрапорце Мінск.
Для гэтага асоба або арганізацыя, якая запрашае, павінна прадаставіць арыгінал запрашэння ў Дэпартамент па грамадзянству і міграцыі да вашага прыбыцця.
Тэрмін выдачы візы
У выпадку прыняцця станоўчага рашэння выдача візы займае максімум 5 рабочых дзён з моманту атрымання заявы.
Кошт візы
Кошт візы розны ў залежнасці ад:
- грамадзянства заяўніка
- узросту заяўніка
- тыпу візы
Пераважна, стаўкі збору за выдачу віз устаноўлены ў наступных памерах:
60 еўра – за аднаразовую кароткатэрміновую візу
150 еўра – за шматразовую доўгатэрміновую візу
Стаўка збору за афармленне групавой візы (ад 5 чалавек) складае 10 еўра з чалавека.
Для грамадзян Вялікабрытаніі:
78 долараў ЗША – за транзітную візу,
114 долараў ЗША – за кароткатэрміновую візу,
366 долараў ЗША – за доўгатэрміновую візу.
Для грамадзян ЗША:
100 долараў ЗША – за транзітную візу,
131 долараў ЗША – за кароткатэрміновую візу,
350 долараў ЗША – за доўгатэрміновую візу.
Для грамадзян Латвіі, Літвы, Польшчы і Эстоніі:
25 еўра – за аднаразовую кароткатэрміновую візу,
60 еўра – за шматразовую кароткатэрміновую візу
Афармленне віз грамадзянам Сербіі (на тэрмін звыш 30 сутак) і Японіі ажыццяўляецца бясплатна.
Візы, што выдаюцца ў Нацыянальным аэрапорце Мінск, каштуюць прыкладна ўдвая больш за звычайны тарыф.
Міністэрства замежных спраў Рэспублікі Беларусь прадастаўляе спіс консульскіх збораў, які рэгулярна абнаўляецца.
адправіць
версія для друку
зрабіць стартавай
дабавіць у выбранае
