Галоўная Пра Беларусь Турызм Бізнес Улада Прэс-цэнтр

Алёна Ланская прадстаўляе Беларусь на конкурсе

Турызм

Отели

Поиск отеля

Трансфер

| Галоўная | Турызм | Як прыехаць

Як прыехаць у Беларусь

Самалёт "Боінг 737-500" авіякампаніі "Белавія"

Дабрацца ў Беларусь паветраным, чыгуначным і аўтамабільным транспартам лёгка – існуюць прамыя маршруты з большасці еўрапейскіх краін і краін СНД.

Палёт у Беларусь

Большасць падарожнікаў прылятаюць у Беларусь. Нацыянальны аэрапорт Мінск – буйнейшы ў краіне. Гэта сучасны аэрапорт з развітой інфраструктурай (банкі, рэстараны, магазіны і інш.).

Нацыянальная авіякампанія Беларусі «Белавія» прапануе штодзённыя палёты ў буйныя еўрапейскія гарады, у тым ліку:

Франкфурт
Вену
Кіеў
Лондан
Маскву
Парыж
Рыгу
Рым
Варшаву

Сярод буйных авіякампаній, якія прапануюць палёты ў Мінск:

«Люфтганза» (Германія)
«Аўстрыйскія авіялініі»
«Лот» (Польшча)
«Эль Аль» (Ізраіль)
«Этыхад Эрвейс» (Аб'яднаныя Арабскія Эміраты)

Аэрапорт размешчаны амаль за 30 км ад Мінска. Пасля праходжання пашпартнага кантролю вы можаце дабрацца да горада:

на аўтобусе (курсіруе кожную гадзіну)
таксі (каля 20 еўра)
аўтамабілі напракат (машыну можна ўзяць напракат у зале прыбыцця)

У Беларусь на поездзе

У Беларусі цудоўныя міжнародныя чыгуначныя зносіны. Прыехаць у Мінск на поездзе можна практычна з любога буйнога горада Еўропы і СНД.

Чыгуначны вакзал Мінска – адзін з буйнейшых у Еўропе. Ён працуе кругласутачна і прапануе шырокі спектр паслуг, у тым ліку:

рэстараны
бары
магазіны
аптэка
камеры захоўвання
пакой для гульняў

У Беларусь на аўтамабілі

Можна прыехаць у Беларусь на аўтамабілі – у краіне шырокая сетка аўтамабільных дарог. Перасякаць граніцу вам давядзецца праз які-небудзь з прапускных пагранічных пунктаў.

Для ваджэння аўтамабіля ў Беларусі вам спатрэбіцца міжнароднае вадзіцельскае пасведчанне. Рух правабаковы. Абмежаванне скорасці руху па аўтамагістралях – 120 км/гадз (75 міль у гадзіну).

У Беларусі сапраўдныя толькі некаторыя віды замежных полісаў страхавання турыстаў. Страхоўку можна набыць на граніцы на 15 дзён. Кошт яе – ад 5 еўра.

За рух па аўтамагістралі M1/E30 спаганяецца збор у памеры 1 долар ЗША за адзін пасажырскі транспартны сродак.

Надпісы на дарожных знаках зроблены на кірыліцы. На знаках каля буйных транспартных развязак выкарыстоўваецца лацінскі алфавіт.

У Беларусь на аўтобусе

Большасць аўтобусаў міжнародных рэйсаў у Беларусь прыбывае на цэнтральны аўтавакзал Мінска.

Хоць аб’ектаў сэрвісу на аўтавакзале няшмат, ён знаходзіцца побач з цэнтральным чыгуначным вакзалам, паслугамі якога можна скарыстацца ўсім, хто прыязджае.