Турыстычныя візы, Беларусь | Belarus.by
У Беларусь без візы: на 5 дзён для грамадзян 80 краін
Афіцыйны сайт Рэспублікі Беларусь
Турызм

Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Турызм | Візы ў Беларусь

Турыстычныя візы для Беларусі


Большасці замежных гасцей для ўезду ў Беларусь неабходна атрымаць візу. У залежнасці ад мэты візіту і тэрмінаў знаходжання яна можа быць транзітная, кароткатэрміновая і доўгатэрміновая, таксама ўязныя візы падзяляюцца на аднаразовыя, двухразовыя і шматразовыя.

Грамадзяне шэрага дзяржаў свету могуць прыязджаць у Беларусь без візы, калі такі парадак прадугледжаны міжнароднымі дагаворамі.

Акрамя таго, у Беларусі дзейнічаюць некалькі бязвізавых рэжымаў, устаноўленых рашэннем кіраўніка дзяржавы – з зацверджанымі тэрмінамі і ўмовамі знаходжання. Дзякуючы гэтаму іншаземцы, якім, як правіла, беларуская віза патрэбна, таксама могуць наведаць краіну ў спрошчаным парадку:

  • да 5 дзён – пабываць у любой кропцы Беларусі пры ўмове прылёту і вылету праз Нацыянальны аэрапорт Мінск;
  • да 10 дзён – наведаць дзве бязвізавыя зоны (яны распаўсюджваюцца, у тым ліку, на буйнейшыя гарады на захадзе краіны – Гродна і Брэст) пры наяўнасці папярэдне аформленага дакумента на індывідуальнае або групавое наведванне зоны.

Падрабязней аб тым, як наведаць Беларусь без візы і грамадзяне якіх дзяржаў могуць скарыстацца гэтай магчымасцю – глядзіце тут.

Каму неабходна беларуская віза

Большасці іншаземцаў для наведвання Беларусі неабходна атрымаць візу, за выключэннем выпадкаў, калі турысту падыходзяць умовы бязвізавых рэжымаў.

Згодна з дзеючымі міжнароднымі дагаворамі Рэспублікі Беларусь віза не патрэбна:

  • грамадзянам Азербайджана
  • грамадзянам Аргенціны (для знаходжання працягласцю да 90 дзён)
  • грамадзянам Арменіі
  • грамадзянам Бразіліі (для знаходжання працягласцю да 90 дзён)
  • грамадзянам Венесуэлы (для знаходжання працягласцю да 90 дзён)
  • грамадзянам Ганконга, спецыяльнага адміністратыўнага раёна КНР (для знаходжання працягласцю да 14 дзён)
  • грамадзянам Грузіі
  • грамадзянам Ізраіля (для знаходжання працягласцю да 90 дзён у кожны перыяд з 180 дзён)
  • грамадзянам Казахстана
  • грамадзянам Катара (для знаходжання працягласцю да 30 сутак з дня ўезду)
  • грамадзянам Кубы (для знаходжання працягласцю да 30 дзён)
  • грамадзянам Кыргызстана
  • грамадзянам Макаа, спецыяльнага адміністратыўнага раёна КНР (для знаходжання працягласцю да 30 дзён) 
  • грамадзянам Македоніі (пры наяўнасці запрашэння або турыстычнага ваўчара)
  • грамадзянам Малдовы
  • грамадзянам Манголіі (для знаходжання працягласцю да 90 дзён)
  • грамадзянам Аб'яднаных Арабскіх Эміратаў (для знаходжання працягласцю да 30 дзён)
  • грамадзянам Расіі
  • грамадзянам Сербіі (для знаходжання працягласцю да 30 дзён)
  • грамадзянам Таджыкістана
  • грамадзянам Турцыі (для знаходжання працягласцю да 30 дзён)
  • грамадзянам Узбекістана
  • грамадзянам Украіны
  • грамадзянам Чарнагорыі (для знаходжання працягласцю да 30 дзён пры наяўнасці запрашэння або турыстычнага ваўчара)
  • грамадзянам Эквадора (для знаходжання працягласцю да 30 дзён)

Без віз (да 180 дзён) могуць уязджаць інвестары і іншыя асобы па спісах, складзеных адміністрацыяй індустрыяльнага парка "Вялікі камень". Акрамя таго, дэкрэтам нумар 8 "Аб развіцці лічбавай эканомікі" ўстанаўліваецца бязвізавы парадак уезду для замежных грамадзян, якія наймаюцца на работу рэзідэнтамі Парка высокіх тэхналогій, а таксама для заснавальнікаў рэзідэнтаў ПВТ.

Выключэнне таксама складаюць уладальнікі дыпламатычных пашпартоў з:

  • Бангладэш
  • Балівіі
  • Венгрыі
  • В'етнама
  • Егіпта
  • Індыі
  • Інданезіі
  • Ірана
  • Камбоджы
  • КНР
  • Рэспублікі Карэі
  • Лаоса
  • М'янмы
  • ААЭ
  • Амана
  • Перу
  • Польшчы
  • Румыніі
  • Сірыі
  • Cлавакіі
  • Туркменістана
  • Тайланда

Усім астатнім іншаземцам для наведвання Беларусі патрэбны візы.

Як выбраць візу

Кароткатэрміновая віза – тып візы, які найбольш часта выкарыстоўваецца. Такія візы выдаюцца на тэрмін да  90 дзён і падыходзяць для:

  • бізнесменаў
  • студэнтаў
  • уезду па прыватных справах

Кароткатэрминовыя візы могуць быць для аднаразовага, двухразовага або шматразовага ўезду ў залежнасці ад неабходнасці.

Турысты звычайна атрымліваюць групавую кароткатэрміновую візу праз турыстычнае агенцтва.

Доўгатэрміновыя візы звычайна сапраўдныя на працягу аднаго года і прадугледжваюць шматразовы ўезд у Беларусь. Яны падыходзяць для:

  • бізнесменаў, якія часта прыязджаюць
  • турыстаў, якія жадаюць застацца ў краіне на больш працяглы час

Транзітная віза выдаецца на тэрмін да аднаго года і прадастаўляе два дні для праезду праз Беларусь.

Як атрымаць візу

Візы выдаюцца:

  • консульскімі аддзяленнямі Беларусі
  • дыпламатычнымі прадстаўніцтвамі Беларусі
  • консульскім цэнтрам Міністэрства замежных спраў у аэрапорце Мінска (для грамадзян з краін, дзе няма прадстаўніцтваў Беларусі)

Для атрымання візы неабходна прадаставіць наступныя дакументы ў мясцовае консульскае аддзяленне або прадстаўніцтва:

  • запоўненую анкету для атрымання візы
  • 1 фатаграфію пашпартнага ўзору
  • суправаджальныя дакументы (арыгінал пісьмовага запрашэння  з подпісам і пячаткай запрашаючага боку ў выпадку, калі запрашае кампанія)
  • іншыя дакументы, агавораныя консульскім аддзелам (у залежнасці ад мэты візіту і тыпу неабходнай візы)
  • пашпарт (дата заканчэння тэрміну дзеяння павінна быць не менш як 90 дзён ад даты заканчэння тэрміну дзеяння візы)

Віза пасля прыбыцця

Усе замежныя грамадзяне, якія прыбываюць у Беларусь праз Нацыянальны аэрапорт Мінск, могуць атрымаць ўязную візу непасрэдна ў аэрапорце.

Для гэтага неабходна загадзя (не пазней ўстаноўленых тэрмінаў) прадставіць дакументы ва ўпраўленне па пытаннях уезду іншаземцаў галоўнага консульскага ўпраўлення МЗС Беларусі, якое знаходзіцца ў аэрапорце:

  • для афармлення кароткатэрміновых віз – за 3 рабочыя дні да прадугледжанай даты прыбыцця,
  • для афармлення доўгатэрміновых віз – за 5 рабочых дзён да прадугледжанай даты прыбыцця.

Падаць дакументы можна самастойна або па пошце з улікам тэрмінаў дастаўкі.

Адрас: 220054, г. Мінск, тэрыторыя Нацыянальнага аэрапорта Мінск, упраўленне па пытаннях уезду іншаземцаў галоўнага консульскага ўпраўлення Міністэрства замежных спраў Рэспублікі Беларусь
Кантактны тэлефон: +375 17 279 20 58

У выпадку цяжкага захворвання або смерці блізкага сваяка (члена сям'і) дакументы можна прадставіць у момант звароту па візу.

Тэрмін выдачы візы

У выпадку прыняцця станоўчага рашэння выдача візы займае максімум 5 рабочых дзён з моманту атрымання заявы.

Кошт візы

З 1 студзеня 2017 года ўстаноўлены наступныя стаўкі консульскіх збораў за выдачу беларускіх віз:

  • індывідуальная – 60 еўра (для ўсіх тыпаў віз з любой колькасцю ўездаў);
  • групавая (з чалавека) – 10 еўра.

Для грамадзян і жыхароў з асаблівым статусам Латвіі, Літвы, Польшчы і Эстоніі ўстаноўлены зніжаныя стаўкі консульскіх збораў:

транзітная віза (тып B):

  • аднаразовая – 10 еўра;
  • двухразовая – 15 еўра;
  • групавая аднаразовая (з чалавека) – 10 еўра;
  • групавая двухразовая (з чалавека) – 18 еўра;
  • шматразовая – 35 еўра.

 кароткатэрміновая віза (тып С):

  • аднаразовая – 25 еўра;
  • двухразовая – 35 еўра;
  • групавая аднаразовая (з чалавека) – 10 еўра;
  • групавая двухразовая (з чалавека) – 18 еўра;
  • шматразовая – 60 еўра.

доўгатэрміновая віза (тып D) – 60 еўра.

Консульскі збор за выдачу віз грамадзянам (і жыхарам з асаблівым статусам) Латвіі, Літвы, Польшчы малодшым за 6 гадоў не бярэцца.

Грамадзяне Японіі і Сербіі вызвалены ад выплаты консульскага збору за выдачу любога тыпу візы.

Павышаныя стаўкі консульскага збору пры выдачы беларускай візы для замежных грамадзян прымяняюцца:

  • пры разглядзе візавых запытаў загранустановамі Рэспублікі Беларусь у тэрміновым парадку (на працягу 2 рабочых дзён) – на 100 працэнтаў;
  • пры разглядзе галоўным консульскім упраўленнем візавых запытаў замежных грамадзян, у дзяржавах дзяржаўнай прыналежнасці або звычайнага месца пражывання якіх адсутнічаюць беларускія загранустановы – на 50 працэнтаў;
  • пры разглядзе галоўным консульскім упраўленнем візавых запытаў замежных грамадзян, у дзяржавах дзяржаўнай прыналежнасці або звычайнага месца пражывання якіх размешчаны беларускія загранустановы – на 200 працэнтаў.

Ад консульскага збору за разгляд хадайніцтваў аб выдачы віз Рэспублікі Беларусь вызваляюцца непаўналетнія замежныя грамадзяне (да 14 гадоў).

Візы, што выдаюцца ў Нацыянальным аэрапорце Мінск, каштуюць прыкладна ўдвая больш за звычайны тарыф.

Міністэрства замежных спраў Рэспублікі Беларусь прадастаўляе спіс консульскіх збораў, які рэгулярна абнаўляецца.

Помнікі Вялікай Айчыннай вайны ў Беларусі
У Беларусь без візы: на 5 дзён для грамадзян 80 краін
Платныя дарогі ў Беларусі