Афіцыйны сайт Рэспублікі Беларусь
XI Міжнародны музычны фестываль Юрыя Башмета
Пра Беларусь

Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Пра Беларусь | Вядомыя беларусы | Руслан Салей

Руслан Салей, хакеіст

Беларускі хакеіст Руслан Салей
Беларускі хакеіст Руслан Салей

Салей Руслан Альбертавіч, беларускі хакеіст, абаронца, капітан нацыянальнай зборнай. Заслужаны майстар спорту Беларусі (2002). Нарадзіўся 2 лістапада 1974 г. у Мінску.

Руслан Салей - адзін з лепшых гульцоў у гісторыі беларускага хакея. Ён прымаў удзел ва ўсіх трох Алімпіядах (1998, 2002, 2010), на якіх выступала нацыянальная каманда. Чэмпіён Беларусі 1993, 1994, 1995 гадоў.

Салей выступаў у наймацнейшай лізе планеты з 1996 па 2011 год, правёўшы 917 матчаў у рэгулярных чэмпіянатах НХЛ за "Анахайм" (1996 - 2006), "Фларыду", "Каларада" і "Дэтройт" і набраўшы 204 (45+159) рэзультатыўныя ачкі. У 2003 годзе Руслан Салей першым з айчынных гульцоў дайшоў да фіналу Кубка Стэнлі.

Жыццё Руслана Салея трагічна абарвала авіякатастрофа 7 верасня 2011 г., калі самалёт Як-42 з камандай расійскага "Лакаматыва" на борце ўпаў пры ўзлёце пад Яраслаўлем.

Беларуская федэрацыя хакея вывела са звароту ў зборнай 24-ы нумар, пад якім Салей гуляў у нацыянальнай камандзе. Напярэдадні першай гадавіны авіякатастрофы пад Яраслаўлем у Мінску прайшоў першы Турнір памяці Руслана Салея, заснаваны як штогадовая хакейная падзея.

"Проста лепшы. Simply the Best" - так называецца кніга пра Руслана Салея, якую напісаў сябар хакеіста спартыўны журналіст Сяргей Аляхновіч.

V Усебеларускі народны сход
Праграма развіцця Беларусі на 2016-2020 гады (праект)
Парламенцкія выбары 2016 года ў Беларусі
Помнікі Вялікай Айчыннай вайны ў Беларусі
Дэнамінацыя ў Беларусі: новыя грошы
Платныя дарогі ў Беларусі