Выбары Прэзідэнта Беларусі ў 2025 годзе

Прэзідэнцкія выбары ў Беларусі адбыліся ў студзені 2025 года.

Па Канстытуцыі, кіраўнік дзяржавы выбіраецца на пяць гадоў, і выбары павінны праходзіць у нядзелю не пазней як за два месяцы да заканчэння тэрміну паўнамоцтваў дзеючага Прэзідэнта, перыяд работы якога адлічваецца з моманту інаўгурацыі.

Кампанія па выбарах Прэзідэнта ў 2025 годзе стала сёмай у гісторыі незалежнай Беларусі. Папярэднія выбары праходзілі:

23 чэрвеня 1994 года (другі тур – 10 ліпеня)
9 верасня 2001 года
19 сакавіка 2006 года
19 снежня 2010 года
11 кастрычніка 2015 года
9 жніўня 2020 года

Дата выбараў Прэзідэнта Беларусі ў 2025 годзе

Выбары кіраўніка дзяржавы былі назначаны на 26 студзеня 2025 года. Гэтую дату парламентарыі зацвердзілі на праведзеным 23 кастрычніка 2024 г. пасяджэнні Палаты прадстаўнікоў Нацыянальнага сходу Беларусі.

Датэрміновае галасаванне на прэзідэнцкіх выбарах-2025 праводзілася з 21 па 25 студзеня.

Старшыня ЦВК Ігар Карпенка адзначыў, што 26 студзеня 2025 года – самы аптымальны час для правядзення выбарчай кампаніі, і назваў некалькі аргументаў.

Пры неабходнасці другі тур галасавання мог прайсці не пазней за 9 лютага 2025 года.

Выбарчая кампанія-2025: асноўныя этапы

Цэнтрвыбаркам Беларусі зацвердзіў каляндарны план мерапрыемстваў па падрыхтоўцы і правядзенні выбараў Прэзідэнта. Сярод асноўных этапаў галоўнай палітычнай кампаніі года традыцыйна:

утварэнне камісій па выбарах Прэзідэнта, участкаў для галасавання;
вылучэнне і рэгістрацыя кандыдатаў на пасаду Прэзідэнта Рэспублікі Беларусь;
інфармаванне выбаршчыкаў і перадвыбарная агітацыя;
галасаванне, устанаўленне рэзультатаў галасавання і падвядзенне вынікаў выбараў.

Усе ключавыя даты і тэрміны кожнага этапу выбарчай кампаніі-2025 былі вызначаны ў адпаведнасці з нормамі Канстытуцыі і дзеючага Выбарчага кодэкса.

Для правядзення прэзідэнцкіх выбараў-2025 у Беларусі было прадугледжана ўтварэнне 153 тэрытарыяльных камісій і больш як 5 тыс. участковых камісій. Стварэнне выбарчых участкаў за мяжой беларускім заканадаўствам не прадугледжана.

Паглядзець стужку навінаў выбарчай кампаніі, азнаёміцца з афіцыйнымі лічбамі і данымі сацыялагічных даследаванняў, прачытаць меркаванні экспертаў вы можаце ў сюжэце "Прэзідэнцкія выбары ў Беларусі".

Кандыдаты на пасаду Прэзідэнта Беларусі

На галоўную пасаду ў краіне можа быць выбраны грамадзянін Рэспублікі Беларусь па нараджэнні, не маладзейшы за 40 гадоў, які мае выбарчае права і пастаянна пражывае ў Рэспубліцы Беларусь не менш як дваццаць гадоў непасрэдна перад выбарамі, не мае і не меў раней грамадзянства замежнай дзяржавы або пасведчання на права жыхарства або іншага дакумента замежнай дзяржавы, што дае права на льготы і іншыя прывілеі. Кандыдатамі ў Прэзідэнты не могуць быць вылучаны грамадзяне, у адносінах да якіх ёсць абвінаваўчы прыгавор суда, які ўступіў у законную сілу.

Больш падрабязна аб вылучэнні кандыдатаў у Прэзідэнты Беларусі – тут.

Пасля завяршэння важных этапаў перадвыбарнай гонкі – збору подпісаў і праверкі іх сапраўднасці, а таксама прадастаўлення прэтэндэнтамі неабходнага пакета дакументаў – кандыдатамі ў Прэзідэнты на выбарах-2025 былі зарэгістраваны:

Аляксандр Лукашэнка
Алег Гайдукевіч
Ганна Канапацкая
Сяргей Сыранкоў
Аляксандр Хіжняк

Назіранне за выбарамі-2025 у Беларусі

Доступ для назірання за выбарамі адкрыты для грамадзян Беларусі, а таксама запрошаных прадстаўнікоў іншых дзяржаў і міжнародных арганізацый пры наяўнасці вызначанай парадкам дзейнасці наглядальнікаў акрэдытацыі.

ЦВК: для назірання за выбарамі Прэзідэнта Беларусі акрэдытаваны наглядальнікі з больш як 40 краін

Карпенка: на выбарах Прэзідэнта Беларусі акрэдытавана больш за 480 міжнародных наглядальнікаў

МЗС: у Беларусі на прэзідэнцкія выбары акрэдытаваны 456 міжнародных наглядальнікаў з 49 краін

Вынікі прэзідэнцкіх выбараў-2025

Пасля завяршэння асноўнага дня галасавання ўжо 27 студзеня 2025 г. Цэнтрвыбаркам Беларусі агучыў папярэднія вынікі выбараў кіраўніка дзяржавы. Па выніках падліку бюлетэняў, перамогу атрымаў дзеючы Прэзідэнт Аляксандр Лукашэнка, за якога прагаласавалі 86,82 працэнта выбаршчыкаў, што прыйшлі на ўчасткі.

Папярэдняя інфармацыя аб колькасці галасоў выбаршчыкаў, пададзеных за кожнага кандыдата ў Прэзідэнты Рэспублікі Беларусь:

Гайдукевіч Алег Сяргеевіч – 2,02 працэнта;
Канапацкая Ганна Анатольеўна – 1,86 працэнта;
Лукашэнка Аляксандр Рыгоравіч – 86,82 працэнта;
Сыранкоў Сяргей Аляксандравіч – 3,21 працэнта;
Хіжняк Аляксандр Мікалаевіч – 1,74 працэнта;
супраць усіх – 3,60 працэнта.

Пазней на прэс-канферэнцыі ў Інфармацыйным цэнтры ЦВК 27 студзеня 2025 г. кіраўнік Цэнтрвыбаркама Ігар Карпенка паведаміў, што Аляксандр Лукашэнка перамог на выбарах Прэзідэнта Беларусі, набраўшы 5 136 293 галасы выбаршчыкаў.

За кандыдатаў у Прэзідэнты Рэспублікі Беларусь пададзена наступная колькасць галасоў выбаршчыкаў:

Гайдукевіч Алег Сяргеевіч – 119 272 галасы выбаршчыкаў, або 2,02 працэнта;
Канапацкая Ганна Анатольеўна – 109 760 галасоў выбаршчыкаў, або 1,86 працэнта;
Лукашэнка Аляксандр Рыгоравіч – 5 136 293 галасы выбаршчыкаў, або 86,82 працэнта;
Сыранкоў Сяргей Аляксандравіч – 189 740 галасоў выбаршчыкаў, або 3,21 працэнта;
Хіжняк Аляксандр Мікалаевіч – 102 789 галасоў выбаршчыкаў, або 1,74 працэнта;
Супраць усіх кандыдатаў прагаласавала 213 277 выбаршчыкаў, або 3,60 працэнта.