Парламенцкія выбары | Belarus.by
У Беларусь без візы на 30 дзён
Афіцыйны сайт Рэспублікі Беларусь
ВЫБАРЫ ў Палату прадстаўнікоў Нацыянальнага сходу Рэспублікі Беларусь
Улада

Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Выбары | Выбары ў Палату прадстаўнікоў

Выбары дэпутатаў Палаты прадстаўнікоў Нацыянальнага сходу Рэспублікі Беларусь

Сесія Палаты прадстаўнікоў Нацыянальнага сходу Рэспублікі Беларусь
Сесія Палаты прадстаўнікоў Нацыянальнага сходу Рэспублікі Беларусь

Палата прадстаўнікоў у складзе 110 дэпутатаў выбіраецца на чатыры гады. У гісторыі суверэннай Беларусі парламенцкія выбары праводзіліся ў 1995, 2000, 2004, 2008, 2012, 2016 гадах.

Выбары дэпутатаў Палаты прадстаўнікоў праводзяцца па аднамандатных выбарчых акругах. Кандыдат у дэпутаты можа балаціравацца толькі па адной выбарчай акрузе.

Тэрміны правядзення выбараў у Палату прадстаўнікоў Нацыянальнага сходу Рэспублікі Беларусь

Выбары новага складу Палаты прадстаўнікоў назначаюцца не пазней як за чатыры месяцы і праводзяцца не пазней як за 30 дзён да заканчэння паўнамоцтваў дэпутатаў дзеючага складу.

Прэзідэнт Беларусі 5 жніўня 2019 года падпісаў указы, якія вызначаюць тэрміны правядзення выбараў у Нацыянальны сход Рэспублікі Беларусь 7-га склікання: у Палату прадстаўнікоў - 17 лістапада 2019 года (асноўны дзень галасавання); у Савет Рэспублікі - 7 лістапада 2019 года.  

Патрабаванні да кандыдатаў у дэпутаты Палаты прадстаўнікоў Нацыянальнага сходу Рэспублікі Беларусь

Дэпутатам Палаты прадстаўнікоў можа быць грамадзянін Рэспублікі Беларусь, які дасягнуў 21 года, пастаянна пражывае ў Рэспубліцы Беларусь, не мае судзімасці.

Вылучэнне кандыдатаў у дэпутаты Палаты прадстаўнікоў Нацыянальнага сходу Рэспублікі Беларусь

Кандыдаты ў дэпутаты вылучаюцца палітычнымі партыямі (зарэгістраванымі Міністэрствам юстыцыі Рэспублікі Беларусь не пазней як за шэсць месяцаў да назначэння выбараў), а таксама грамадзянамі (на сходах па месцы работы або шляхам збору подпісаў).

Вылучэнне кандыдатаў у дэпутаты пачынаецца за 70 дзён і заканчваецца за 40 дзён да выбараў.

Вылучэнне кандыдатаў у дэпутаты Палаты прадстаўнікоў ад палітычных партый ажыццяўляецца іх вышэйшымі органамі.

Вылучэнне кандыдатаў у дэпутаты Палаты прадстаўнікоў можа адбывацца на сходах выбаршчыкаў па месцы работы, пры ўмове, што там працуе не менш як 300 чалавек і ў сходзе ўдзельнічае не менш як палова працуючых.

Вылучэнне кандыдата ў дэпутаты Палаты прадстаўнікоў шляхам збору подпісаў выбаршчыкаў ажыццяўляецца ініцыятыўнай групай кандыдата ў колькасці не менш як 10 чалавек. Неабходна сабраць не менш як 1000 подпісаў у падтрымку кандыдата ад выбаршчыкаў, якія пражываюць на тэрыторыі выбарчай акругі.

Рэгістрацыя кандыдатаў у дэпутаты Палаты прадстаўнікоў Нацыянальнага сходу Рэспублікі Беларусь

Рашэнне аб рэгістрацыі кандыдата ў дэпутаты Палаты прадстаўнікоў прымае акруговая выбарчая камісія па выніках праверкі дакладнасці інфармацыі, што змяшчаецца ў дакументах аб вылучэнні.

Падвядзенне вынікаў выбараў дэпутата Палаты прадстаўнікоў Нацыянальнага сходу Рэспублікі Беларусь

Выбраным па выбарчай акрузе лічыцца кандыдат у дэпутаты Палаты прадстаўнікоў, які атрымаў найбольшую колькасць галасоў выбаршчыкаў, якія прынялі ўдзел у галасаванні, калі выбары былі прызнаны адбыўшыміся.

Выбары прызнаюцца адбыўшыміся, калі ў галасаванні прыняла ўдзел больш як палова выбаршчыкаў акругі, уключаных у спісы грамадзян, якія маюць права ўдзельнічаць у выбарах.

Помнікі Вялікай Айчыннай вайны ў Беларусі
Партызанскі летапіс