Падзеі

Эрдаган павіншаваў Лукашэнку з перамогай на выбарах

Рэджэп Таіп Эрдаган. Фота Сіньхуа

30 студзеня, Мінск /Кар. БЕЛТА/. У адрас Прэзідэнта Беларусі Аляксандра Лукашэнкі з нагоды перамогі на выбарах паступіла віншаванне ад Прэзідэнта Турцыі Рэджэпа Таіпа Эрдагана. Аб гэтым БЕЛТА паведамілі ў прэс-службе беларускага лідара.

"Я перакананы, што існуючае паміж нашымі краінамі супрацоўніцтва ў палітычнай, эканамічнай і гуманітарнай сферах у наступным перыядзе яшчэ больш умацуецца дзякуючы нашым сумесным намаганням. Карыстаючыся выпадкам, зноў выказваю Вашаму Правасхадзіцельству пажаданні здароўя і шчасця, а дружалюбнаму беларускаму народу - працвітання і дабрабыту", - гаворыцца ў віншаванні.

Рэджэп Таіп Эрдаган таксама пажадаў Аляксандру Лукашэнку далейшых поспехаў на высокай пасадзе.

версія для друку

зрабіць стартавай

дабавіць у выбранае