БЕЛАВЕЖСКАЯ ПУШЧА

БЕЛАВЕЖСКАЯ ПУШЧА: пахадзіць па самым старажытным лесе Еўропы, пералічыць адну з буйнейшых папуляцый зуброў у свеце і зазірнуць у госці да беларускага Дзеда Мароза

Побач з легендарным Брэстам, які знакаміты сваёй гераічнай крэпасцю і подзвігамі абаронцаў у гады Вялікай Айчыннай вайны, а цяпер рыхтуецца да 1000-годдзя, размешчана і самая казачная мясціна Беларусі. Старажытны запаведны лес Еўропы, спадчыну ЮНЕСКА – Белавежскую пушчу – зрабіў сваёй рэзідэнцыяй беларускі Дзед Мароз. Ён прымае гасцей круглы год, але, зразумела, галоўныя святы тут шумяць менавіта ў калядна-навагоднія канікулы. Дарэчы, у самым сэрцы пушчы – у міжнародным спрошчаным пункце пропуску "Перароў – Белавежа", дзе з 2015 года дзейнічае бязвізавы рэжым (да 3 сутак), беларускія пагранічнікі кожны снежань па традыцыі бесперашкодна прапускаюць у краіну… Новы год.