НАРАЧ

НАРАЧ: убачыць самае вялікае возера Беларусі, знакаміты нацыянальны парк і самы буйны курорт краіны ў зімовых пейзажах

Нарачанскі край, жамчужынай якога з'яўляецца самае вялікае возера Беларусі, рэгулярна ўваходзіць у тройку найпапулярнейшых курортаў СНД. Але пабываць тут цікава не толькі летам: зімой Нарач і яшчэ дзясяткі азёр, рачулак і ручаёў у наваколлі не менш цудоўныя. Чаго каштуе пейзаж заснежанай, залітай сонцам ледзяной гладзі! У марозны сезон тут чакаюць аматараў экстрыму, зімовых відаў спорту, палявання, рыбалкі. На ўзбярэжжы Нарачы размешчаны вядучыя санаторыі краіны, дзе навагодні адпачынак можна сумясціць з праграмамі здароўя і прыгажосці. І зразумела, Нарачанскі рэгіён знакаміты адметнасцямі, сярод якіх месцы баявой славы і адзіны ў Беларусі музей Першай сусветнай вайны, прыгожыя неагатычныя храмы, папулярны этнакультурны комплекс з музеямі рарытэтных аўто і самавараў, ветраным і водным млынамі…