БЯРЭЗІНСКІ ЗАПАВЕДНІК

БЯРЭЗІНСКІ ЗАПАВЕДНІК: прагуляцца па старэйшым біясферным рэзерваце Беларусі, наведаць першую ў краіне міфалагічную сцяжыну, адважыцца на экстрэмальную экскурсію і скласці ўласны навагодні прагноз надвор'я

Бярэзінскі біясферны запаведнік – старэйшая ахоўная прыродная скарбніца Беларусі, тэрыторыя, якая ўваходзіць у Сусветную сетку біясферных рэзерватаў ЮНЕСКА "Чалавек і біясфера" і Еўрапейскую сетку біягенетычных рэзерватаў, Рамсарскае ўгоддзе… Яго рэдкасці, разнастайная флора і фаўна прыцягваюць тысячы турыстаў, але акрамя гэтага запаведнік прапануе гасцям і мноства забаў. Напрыклад, у 2016-м тут з'явілася першая ў краіне міфалагічная сцяжына, якая стане часткай Цэнтра міфалагічнага турызму, адкрылася для наведванняў адзіная ў Беларусі станцыя фонавага маніторынгу, дзе спецыялісты дзеляцца сакрэтамі прагнозаў надвор'я, пачалі прымаць гасцей конныя экамаршруты… І ў навагоднія канікулы тут абавязкова рыхтуюць сюрпрызы з удзелам запаведнага Дзеда Мароза, усеагульнага любімца-містыка Балотніка і іншых лясных жыхароў.