Этнакультурны комплекс "Наносы-Наваселле"

Новы этнаграфічны комплекс на азёрным паўвостраве Нарачы адкрыўся толькі ў 2015 годзе, але ўжо стаў папулярным, атрымаўшы прыемнае параўнанне са знакамітымі "Дудуткамі". Каларытная вёска аб'яднала 12 жылых дамоў, у інтэр'еры якіх – толькі аўтэнтычныя прадметы: тканыя дарожкі, вышываныя ручнікі і фіранкі, старадаўняя мэбля, люстры і гадзіннікі, абразы, тэлефоны і грамафоны…
 
Славутасці этнавёскі: музей самавараў, этнаграфічная калекцыя, музей хлеба, музей рарытэтных аўтамабіляў, старадаўнія ветракі і млыны,  стайня, гаспадарчы двор.

Госці комплексу могуць перанесціся ў мінулае і адчуць сябе жыхаром беларускай вёскі ХIХ стагоддзя: навучыцца тапіць лазню, даіць карову, рабіць масла і варыць сыр, малоць муку і пячы хлеб, аб'язджаць коней, лавіць рыбу...

Самы маляўнічы від на этнавёску і водную роўнядзь Нарачы адкрываецца з назіральнай вышкі.

Фота: Павел Кузьмін