Бізнес-навіны

Узбекскія вытворцы пражы заключылі першыя здзелкі на пляцоўцы БУТБ

Фота з архiва

31 жніўня, Мінск /Кар. БЕЛТА/. Вытворцы баваўнянай пражы з Узбекістана ўпершыню скарысталіся пляцоўкай прамысловых і спажывецкіх тавараў Беларускай універсальнай таварнай біржы для рэалізацыі сваёй прадукцыі ў Рэспубліцы Беларусь, паведамілі карэспандэнту БЕЛТА ў прэс-службе БУТБ.

У выніку праведзены дзве пробныя здзелкі агульным аб'ёмам 140 т. У абодвух выпадках пакупніком выступіла адно з вядучых айчынных прадпрыемстваў тэкстыльнай прамысловасці. "Па коду ТН ЗЭД пража ўваходзіць у пералік імпартазамяшчальных тавараў, таму заключаныя здзелкі можна лічыць першым паспяховым вопытам выкарыстання беларускага сэрвісу імпартазамяшчэння рэзідэнтамі Узбекістана. Аднак яшчэ больш важны той факт, што біржавая пляцоўка прадаставіла беларускаму прадпрыемству прамы доступ да непасрэдных вытворцаў неабходнай ёй сыравіны і забяспечыла поўнае суправаджэнне працэдуры закупкі. Пакуль на біржы прадстаўлены толькі некалькі ўзбекскіх пастаўшчыкоў пражы, але з часам пул прадаўцоў будзе пашырацца, тым самым павышаючы эфектыўнасць канкурэнтнага механізма біржавых таргоў. Работа па прыцягненні новых удзельнікаў з Узбекістана - як імпарцёраў, так і экспарцёраў - вядзецца на пастаяннай аснове", - падкрэслілі ў прэс-службе БУТБ.

На БУТБ акрэдытаваны 74 узбекскія суб'екты гаспадарання, у тым ліку 7 біржавых брокераў. Па выніках 8 месяцаў 2023 года сума здзелак, праведзеных удзельнікамі таргоў з Узбекістана, вырасла больш як у 9 разоў. Праз біржу ўзбекскія кампаніі ў асноўным набываюць піламатэрыялы, цукар, мяса і прадукцыю нафтахіміі, а ў Беларусь пастаўляюць тэкстыльную сыравіну.

версія для друку

зрабіць стартавай

дабавіць у выбранае