Бізнес-навіны

Уфімскае прадпрыемства па вытворчасці геафізічнай тэхнікі зацікаўлена ў супрацоўніцтве з МАЗам

Фота з архiва

11 кастрычніка, Мінск /Кар. БЕЛТА/. ТАА "Сэрвіс-Майстар" (Уфа) зацікаўлена ў супрацоўніцтве з Мінскім аўтамабільным заводам. Аб гэтым паведаміў журналістам дырэктар прадпрыемства Ільдар Ібрагімаў, перадае карэспандэнт БЕЛТА.

Беларуская ўрадавая дэлегацыя на чале з прэм'ер-міністрам Раманам Галоўчанкам у гэтыя дні знаходзіцца з рабочым візітам ва Уфе. Абмеркаванне напрамкаў развіцця супрацоўніцтва вядзецца і ў час наведвання прадпрыемстваў горада. Адзін з пунктаў - ТАА "Сэрвіс-Майстар".

"Мы бяром толькі шасі, кабіну і рухавік, а ўсе астатнія надбудовы - ужо нашай вытворчасці. Нашы машыны прымяняюцца ў сферы геафізічных паслуг - паўвостраў Таймыр, Ямал, Заходняя Сібір. Таму ў першую чаргу звяртаем увагу на надзейнасць і якасць аўтамабіля, які ў будучым будзе працаваць у няпростых прыродных умовах", - адзначыў дырэктар прадпрыемства.

Ільдар Ібрагімаў выказаў зацікаўленасць у супрацоўніцтве з Беларуссю. "Мы ўжо ўзаемадзейнічаем з Мінскім аўтамабільным заводам. І ў будучым у нас плануюцца вібрацыйныя крыніцы і пад'ёмнікі каратажных станцый на базе МАЗа. Мы разглядаем і іншую канфігурацыю машын - калцюбінгавае абсталяванне", - расказаў ён.

"Акрамя таго, у нас у Гомелі ёсць партнёры па сейсматэхніцы. Сумесныя распрацоўкі маюць месца быць", - рэзюмаваў дырэктар прадпрыемства.

ТАА "Сэрвіс-Майстар" уваходзіць у склад групы кампаній АТ "Башнафтагеафізіка", якая аб'ядноўвае прадпрыемствы геафізічнага сэрвісу і прыборабудавання. Прадпрыемства выконвае поўны цыкл работ і сэрвісных паслуг ад праектавання і распрацоўкі да вытворчасці, сертыфікацыі, тэхнічнага абслугоўвання і рамонту спецыяльнай геафізічнай тэхнікі і наземнага абсталявання.

версія для друку

зрабіць стартавай

дабавіць у выбранае