Бізнес-навіны

У Пекіне абмеркавалі прасоўванне беларускай прадукцыі з высокай дабаўленай вартасцю на рынак КНР

27 студзеня, Мінск /Кар. БЕЛТА/. Надзвычайны і Паўнамоцны Пасол Беларусі ў Кітаі Юрый Сянько сустрэўся з генеральным сакратаром Кітайскай асацыяцыі эканамічных саветнікаў (ІКАК) спадарыняй Сунь Лілі. Аб гэтым карэспандэнту БЕЛТА паведамілі ў пасольстве нашай краіны ў Пекіне.

У ходзе сустрэчы бакі абмеркавалі пытанні прасоўвання беларускай прадукцыі з высокай дабаўленай вартасцю на тэрыторыю КНР і правялі ўрачыстую цырымонію ўключэння Беларусі ў праект "Платформа ІКАК для лепшых замежных прадуктаў". Акрамя таго, дасягнута дамоўленасць аб правядзенні анлайн-сустрэчы з удзелам ІКАК, ААТ "Агенцтва знешнеэканамічнай дзейнасці" і лагістычнымі кампаніямі Беларусі для абмеркавання далейшага супрацоўніцтва і падпісання адпаведнага мемарандума.

Кітайская асацыяцыя эканамічных саветнікаў створана 1 жніўня 2018 года. Асноўныя напрамкі яе дзейнасці - актыўнае садзейнічанне дзелавому супрацоўніцтву і культурнаму абмену паміж Кітаем і міжнароднай супольнасцю, стратэгічнае развіццё ў рамках ініцыятывы "Пояс і шлях", дзелавыя стасункі з дыпмісіямі, акрэдытаванымі ў Кітаі, у такіх галінах, як гандаль, інвестыцыі, навукова-тэхнічнае развіццё, ахова навакольнага асяроддзя, эканоміка і культура.

версія для друку

зрабіць стартавай

дабавіць у выбранае