Бізнес-навіны

Спецыялізаваная выстаўка іранскіх тавараў 26-28 верасня пройдзе ў Мінску

Фота з архiва

25 верасня, Мінск /Кар. БЕЛТА/. Спецыялізаваная выстаўка іранскіх тавараў 26-28 верасня адбудзецца ў рамках Беларускага прамыслова-інавацыйнага форуму ў Футбольным манежы. Аб гэтым карэспандэнту БЕЛТА расказалі ў пасольстве Ісламскай Рэспублікі Іран у Рэспубліцы Беларусь.

Мерапрыемства пройдзе з нагоды 30-годдзя ўстанаўлення беларуска-іранскіх дыпламатычных адносін і з мэтай развіцця эканамічнага супрацоўніцтва. Гандлёва-эканамічныя магчымасці Ірана будуць прадстаўлены дзелавым колам Беларусі.

На выстаўцы будзе паказана прадукцыя 23 іранскіх кампаній розных галін прамысловасці, уключаючы тэлекамунікацыйную і электронную, аўтамабілебудаванне, хімічную прамысловасць і прамысловыя фарбы, лёгкую прамысловасць, металургію і звязаныя з імі галіны.

У сваю чаргу іранскія кампаніі азнаёмяцца з прамысловым патэнцыялам Беларусі.

версія для друку

зрабіць стартавай

дабавіць у выбранае