Бізнес-навіны

Прадпрыемствы "Беллеспаперапрама" нарасцілі экспарт у Кыргызстан больш як у тры разы

Фота з архiва

24 студзеня, Мінск /Кар. БЕЛТА/. Прадпрыемствы канцэрна "Беллеспаперапрам" нарасцілі аб'ёмы экспарту ў Кыргызстан больш як у тры разы, паведамілі БЕЛТА ў прэс-службе канцэрна.

Таварная структура пастаўляемых тавараў даволі шырокая. Асаблівай папулярнасцю карыстаецца прадукцыя дрэваапрацоўкі. Так, у мінулым годзе аб'ёмы адгрузак драўняна-валакністых пліт павялічыліся ў 20 разоў, фанеры - у 14 разоў.

Дынамічныя тэмпы росту экспарту дэманструе і цэлюлозна-папяровая прамысловасць. Пастаўкі паперы і кардону ў Кыргызстан павялічыліся больш як у 8 разоў. Попытам карыстаецца і беларуская мэбля, экспарт якой вырас у 1,7 раза.

версія для друку

зрабіць стартавай

дабавіць у выбранае