Бізнес-навіны

Планы па павелічэнні паставак беларускай прадукцыі і паслуг у Якуцію і Уладзімірскую вобласць абмеркавалі ў Мінэканомікі

Фота з архiва

23 лістапада, Мінск /Кар. БЕЛТА/. У Мінэканомікі абмеркавалі развіццё гандлёва-эканамічнага супрацоўніцтва Беларусі з Уладзімірскай вобласцю і Рэспублікай Саха (Якуція), паведамілі БЕЛТА ў прэс-службе міністэрства.

Пад старшынствам намесніка міністра эканомікі Алесі Абраменка прайшло анлайн-пасяджэнне беларускіх частак рабочых груп па супрацоўніцтве Беларусі з Уладзімірскай вобласцю і Рэспублікай Саха (Якуція) Расійскай Федэрацыі. У ім прынялі ўдзел прадстаўнікі Мінпрама, Мінсельгасхарча, Мінлясгаса, Мінбудархітэктуры, МЖКГ, прамысловых прадпрыемстваў і арганізацый краіны.

Прадстаўнікі органаў дзяржкіравання і прадпрыемстваў Беларусі расказалі аб рабоце, якая праводзіцца ў гэтых рэгіёнах. Абмеркаваны планы па павелічэнні паставак беларускай прадукцыі і паслуг ва Уладзімірскую вобласць і Якуцію, разгледжаны праблемныя пытанні.

версія для друку

зрабіць стартавай

дабавіць у выбранае