Бізнес-навіны

Партыю беларускага соладу ўпершыню адгрузілі ў Экватарыяльную Гвінею

Фота з архiва

8 верасня, Мінск /Кар. БЕЛТА/. ААТ "Белсолад" упершыню адгрузіла кантэйнер са светлым соладам у Экватарыяльную Гвінею. Аб гэтым паведамілі БЕЛТА ў прэс-службе канцэрна "Белдзяржхарчпрам".

Адгрузка беларускага соладу супала са значным візітам прэзідэнта Экватарыяльнай Гвінеі Тэадора Абіянга Нгемы Мбасога ў Беларусь. У "Белдзяржхарчпраме" адзначылі, што, з улікам дамоўленасцей кіраўнікоў дзяржаў аб павелічэнні тавараабароту паміж Беларуссю і Экватарыяльнай Гвінеяй, аб'ёмы паставак у гэту краіну ў бліжэйшыя гады вырастуць.

ААТ "Белсолад" - найбуйнейшы вытворца піваварнага соладу ў Беларусі. Ужо больш як 30 гадоў кампанія займае трывалыя пазіцыі на рынку соладу, забяспечваючы патрэбнасці беларускіх і замежных півавараў у высакаякаснай сыравіне. Каля 60 працэнтаў выпускаемай прадукцыі пастаўляецца на экспарт - у краіны блізкага і далёкага замежжа. З моманту свайго стварэння ААТ "Белсолад" ажыццявіла экспартныя пастаўкі ў больш як 30 краін свету.

версія для друку

зрабіць стартавай

дабавіць у выбранае