Бізнес-навіны

МАЗ заключыў дагавор на пастаўку тэхнікі ва Узбекістан на $1 млн

6 верасня, Мінск /Кар. БЕЛТА/. Мінскі аўтазавод і ІП ТАА MAZ-TASHKENT падпісалі дагавор на пастаўку тэхнікі МАЗ на суму $1 млн, паведамілі БЕЛТА ў прэс-службе прадпрыемства.

Падпісанне дакумента адбылося ў рамках работы секцыі "Пашырэнне супрацоўніцтва Беларусі і Узбекістана ў галіне прамысловасці". Яе мадэратарам выступіла намеснік гендырэктара - фінансавы дырэктар, старшыня пярвічнай арганізацыі ГА "Беларускі саюз жанчын" МАЗа Алена Хацеева.

У час работы секцыі начальнік упраўлення знешнеэканамічных сувязей па экспарце Сяргей Папковіч прэзентаваў прысутным экспартныя магчымасці Мінскага аўтамабільнага завода. Узбекскі бок таксама прадставіў магчымасці дзеючых у краіне кампаній. У выніку бакі адзначылі высокую ступень зацікаўленасці абодвух бакоў у пашырэнні прамысловай кааперацыі.

Мінскі аўтамабільны завод - адно з буйнейшых машынабудаўнічых прадпрыемстваў, якое спецыялізуецца на выпуску велікагрузных аўтамабіляў, спецтэхнікі, аўтобусаў, тралейбусаў і прычапной тэхнікі. Прадукцыя адпавядае экалагічным стандартам Еўра-3, 4, 5 і 6. З канвеера завода сыходзяць седлавыя цягачы, бартавыя аўтамабілі, шасі пад устаноўку рознага спецабсталявання - усяго больш за 500 мадэлей і 3 тыс. мадыфікацый.

версія для друку

зрабіць стартавай

дабавіць у выбранае