Бізнес-навіны

Лукашэнка з верталёта праінспектаваў ход уборачнай у трох абласцях

31 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка ў нядзелю, 30 ліпеня, праінспектаваў ход уборачнай кампаніі ў краіне, паведамляе БЕЛТА.

Свой нядзельны дзень кіраўнік дзяржавы правёў у верталёце. З вышыні Прэзідэнт ацаніў уборку ўраджаю ў Мінскай, Гродзенскай і Брэсцкай абласцях.

У чацвер, прымаючы з дакладам віцэ-прэм'ера Леаніда Зайца, Аляксандр Лукашэнка паабяцаў, што наступны тыдзень будзе прысвечаны сельскай гаспадарцы. Прычым правядзе яго кіраўнік дзяржавы на захадзе Беларусі.

"У бліжэйшы час я пастараюся пабыць (у рэгіёнах. - Заўвага БЕЛТА). У мяне ў плане захад паглядзець. Якраз зона тваёй адказнасці - Гродзенская вобласць. Паглядзім, магчыма, Брэсцкую вобласць. Цэлы комплекс работ Міністэрства сельскай гаспадаркі", - сказаў Прэзідэнт.

версія для друку

зрабіць стартавай

дабавіць у выбранае