Бізнес-навіны

Лукашэнка падтрымаў ініцыятыву аб правядзенні Форуму рэгіёнаў СНД

13 кастрычніка, Бішкек /Кар. БЕЛТА/. Прэзідэнт Беларусі Аляксандр Лукашэнка падтрымаў ініцыятыву аб правядзенні Форуму рэгіёнаў СНД. Аб гэтым ён заявіў на саміце СНД у Бішкеку, перадае карэспандэнт БЕЛТА.

Кіраўнік дзяржавы з задавальненнем адзначыў падпісанне ў бягучым годзе ў СНД Пагаднення аб гандлі паслугамі і ажыццяўленні інвестыцый.

"Перакананы, што гэта своечасовы, важны дакумент. У рэчышчы гэтых дакументаў, а таксама ў працяг прынятых раней прапаную актывізаваць работу па пашырэнні міжрэгіянальнага эканамічнага супрацоўніцтва. Сёння добрую фразу Шаўкат Мірамонавіч (Мірзіёеў, Прэзідэнт Узбекістана. - Заўвага БЕЛТА) сказаў: "Калі мы не будзем перашкаджаць рэгіёнам, а яшчэ ў чым-небудзь ім дапаможам, яны без нас вырашаць многія праблемы".

"Гэта наш безумоўны і запатрабаваны патэнцыял. Вопыт ёсць, - сказаў беларускі лідар. - Прапанаваная раней Рэспублікай Узбекістан ініцыятыва аб правядзенні Форуму рэгіёнаў СНД з'яўляецца актуальнай і патрабуе найхутчэйшай практычнай рэалізацыі. Гэта павінна стаць адной з прыярытэтных задач. Неабходны вопыт і напрацоўкі ў двухбаковым фармаце ў дзяржаў Садружнасці ёсць".

Аляксандр Лукашэнка звярнуў увагу на тое, што ў будучым перыядзе ў СНД будзе старшынстваваць Расія, і ў гэты перыяд там можна будзе сабрацца кіраўнікам рэгіёнаў, пачаць работу, і гэта будзе добрым мерапрыемствам.

версія для друку

зрабіць стартавай

дабавіць у выбранае