Бізнес-навіны

Крутой прапанаваў Намібіі пастаўкі сельгастэхнікі, лякарстваў, супрацоўніцтва ў АПК

Фота з архiва

4 красавіка, Масква /Эдуард Півавар - БЕЛТА/. 2 красавіка ў Маскве сустрэліся пасол Беларусі ў Расіі Дзмітрый Крутой і пасол Намібіі ў РФ і Беларусі па сумяшчальніцтве Клеменс Кашуупулва, паведамілі БЕЛТА ў прэс-службе беларускай дыпмісіі.

"Разгледжаны пытанні актывізацыі беларуска-намібійскіх адносін. Дзмітрый Крутой адзначыў вялікі нерэалізаваны патэнцыял гандлёва-эканамічных сувязей дзвюх краін і вылучыў напрамкі, у якіх Беларусь і Намібія маглі б значна пашырыць супрацоўніцтва. Гэта пастаўкі ў Намібію беларускай сельскагаспадарчай тэхнікі, лякарстваў, укараненне найноўшых тэхналогій у аграпрамысловым комплексе, сумесныя праекты ў галінах энергетыкі і лясной гаспадаркі", - расказалі ў прэс-службе.

Дзмітрый Крутой таксама запрасіў пасла і дэлегацыю Намібіі наведаць буйнейшыя міжнародныя мерапрыемствы ў Беларусі - выстаўку ўзбраенняў і ваеннай тэхнікі MILEX-2023 і спецыялізаваную выстаўку "Белагра".

"Клеменс Кашуупулва высока ацаніў існуючыя беларуска-намібійскія адносіны, заснаваныя на даўняй дружбе і ўзаемапавазе, падкрэсліў зацікаўленасць урада Намібіі ў развіцці шматпланавага супрацоўніцтва з Беларуссю", - адзначылі ў прэс-службе.

Субяседнікі дамовіліся паскорыць работу па праектах двухбаковых дагавораў і намецілі шэраг сумесных мерапрыемстваў, якія будуць садзейнічаць пашырэнню кантактаў ва ўсіх сферах.

"У час сустрэчы пацверджана прыхільнасць Беларусі і Намібіі да фармавання справядлівага шматпалярнага светапарадку, захавання прынцыпаў Статута ААН аб суверэннай роўнасці дзяржаў, умацавання міжнароднай бяспекі і ўрэгулявання канфліктаў шляхам дыялогу", - дадалі ў прэс-службе.

версія для друку

зрабіць стартавай

дабавіць у выбранае