Бізнес-навіны

Кіраўнік МЗС Венесуэлы: мы дамовіліся з Беларуссю аб перазапуску адносін у эканоміцы і прамысловасці

17 кастрычніка, Мінск /Кар. БЕЛТА/. Беларусь і Венесуэла маюць намер зрабіць перазапуск адносін у сферах эканомікі і прамысловасці. Гэта адзначыў журналістам міністр замежных спраў Венесуэлы Іван Хіль Пінта па выніках сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

Ён падкрэсліў: "Мы правялі вельмі плённы візіт у Беларусь. Адбылася сустрэча з маім калегам, міністрам замежных спраў Беларусі Сяргеем Алейнікам, з палітычным кіраўніцтвам краіны, цяпер - з Прэзідэнтам Беларусі Аляксандрам Лукашэнкам. І мы дамовіліся ажыццявіць перазапуск нашых двухбаковых адносін у гандлёва-эканамічнай, прамысловай сферах. І гэта мы маем намер зрабіць у бліжэйшы час".

"У якасці першага кроку, як мы анансавалі, у Мінску адбудзецца чарговае пасяджэнне сумеснай камісіі па гандлёва-эканамічным супрацоўніцтве. Яно запланавана на 28-29 лістапада. У гэтым пасяджэнні прымуць удзел міністры, міністэрствы абедзвюх краін, кіраўнікі прадпрыемстваў. І ў рамках мерапрыемства мы канкрэтна прагаворым стан спраў і напрамкі, па якіх будзем рухацца далей", - расказаў Іван Хіль Пінта.

Паводле яго слоў, таксама ў ходзе праведзеных перагавораў былі абмеркаваны іншыя тэмы двухбаковага супрацоўніцтва: энергетычная сфера, сельская гаспадарка, турызм і іншыя напрамкі.

"Мы прыкладзём максімум намаганняў для таго, каб не проста перазапусціць нашы двухбаковыя адносіны, а вывесці іх на яшчэ больш высокі ўзровень, - запэўніў венесуэльскі госць. - Такім чынам, у нас чакаецца вельмі цесная плённая праца, вялікі аб'ём работы нас чакае, і мы арыентаваны развіваць далей не толькі нашы палітычныя кантакты, але і ўзмацніць наша гандлёва-эканамічнае супрацоўніцтва.

версія для друку

зрабіць стартавай

дабавіць у выбранае