Бізнес-навіны

Галоўчанка: нягледзячы на каласальны знешні націск, СНД вярнулася на траекторыю эканамічнага росту

18 снежня, Масква /Эдуард Півавар - БЕЛТА/. Нягледзячы на каласальны знешні націск, СНД вярнулася на траекторыю эканамічнага росту. Аб гэтым заявіў прэм'ер-міністр Беларусі Раман Галоўчанка 18 снежня на пасяджэнні Савета кіраўнікоў урадаў СНД, перадае карэспандэнт БЕЛТА.

"Прыемна адзначыць, што ў 2023 годзе ўсе нашы краіны змаглі вярнуцца на траекторыю росту, нягледзячы на каласальны знешні націск, які аказваецца на шэраг дзяржаў СНД", - сказаў Раман Галоўчанка.

У якасці пацвярджэння ён прывёў даныя аб тым, што па выніках дзевяці месяцаў 2023 года ў параўнанні з аналагічным перыядам мінулага года ВУП краін Садружнасці вырас больш як на 2 працэнты, аб'ём прамысловай прадукцыі - на 3,4 працэнта, грузаперавозак - амаль на 6 працэнтаў, абарот рознічнага гандлю - на 5 працэнтаў.

"Гэта нядрэнныя паказчыкі, якія трэба пераўзыходзіць у наступным годзе", - падкрэсліў прэм'ер-міністр.

На яго думку, далейшыя намаганні краін СНД павінны быць накіраваны на ўстараненне перашкод ва ўзаемным гандлі, лібералізацыю ў сферы паслуг і выкананне падпісанага краінамі Садружнасці адпаведнага пагаднення, прыцягненне інвестыцый.

версія для друку

зрабіць стартавай

дабавіць у выбранае