Бізнес-навіны

Экспарт прадпрыемстваў "Беллеспаперапрама" ў Казахстан у студзені-ліпені вырас больш як у 1,6 раза

Фота з архiва

26 верасня, Мінск /Кар. БЕЛТА/. Экспарт прадпрыемстваў "Беллеспаперапрама" ў Казахстан у студзені-ліпені вырас больш як у 1,6 раза, паведамілі БЕЛТА ў прэс-службе канцэрна.

"У студзені-ліпені гэтага года экспарт у Казахстан вырас больш як у 1,6 раза ў параўнанні з аналагічным перыядам мінулага года. У таварнай структуры пастаўляемай прадукцыі найбольшую долю займаюць мэбля, драўняныя пліты, фанера, папера і кардон, а таксама вырабы з іх", - расказалі ў прэс-службе.

Для прадпрыемстваў канцэрна рынак Казахстана - адзін з самых буйных на постсавецкай прасторы пасля Расіі. У чэрвені 2022 года дрэваапрацоўчыя і мэблевыя прадпрыемствы прымалі ўдзел у казахстанскай міжнароднай выстаўцы "Мэбля. Інтэр'ер. Дрэваапрацоўка - 2022" у Алматы. Акрамя таго, міжнародны прамысловы форум "ІНАПРАМ. Казахстан" праходзіць у гэтыя дні ў Астане. Ён прадоўжыцца да 27 верасня.

версія для друку

зрабіць стартавай

дабавіць у выбранае