Бізнес-навіны

Біржавы экспарт беларускіх тавараў у Маскоўскую вобласць вырас амаль удвая

Фота з архiва

12 ліпеня, Мінск /Кар. БЕЛТА/. Па выніках біржавых таргоў у першым паўгоддзі 2023 года экспарт беларускай прадукцыі ў Маскоўскую вобласць у грашовым выражэнні амаль удвая перасягнуў аналагічны паказчык 2022 года. Аб гэтым расказаў намеснік начальніка ўпраўлення знешнеэканамічнай дзейнасці Беларускай універсальнай таварнай біржы Герман Пузырны ў час сустрэчы з дзелавымі коламі Масквы і Маскоўскай вобласці, паведамілі карэспандэнту БЕЛТА ў прэс-службе БУТБ.

Гэтаму пасадзейнічала як пашырэнне асартыменту тавараў айчыннай вытворчасці, што рэалізуюцца праз біржу на маскоўскі рынак, так і з'яўленне на біржавой пляцоўцы новых пакупнікоў з гэтага рэгіёна. "У 2023 годзе ў Маскоўскую вобласць актыўна пастаўляліся беларускія будматэрыялы, пілапрадукцыя і лом каляровых металаў. Пры гэтым у параўнанні з мінулым годам прыкметна павялічыўся пул пакупнікоў. Менавіта гэта шмат у чым і абумовіла дадатную дынаміку продажаў. Акрамя таго, дадаліся новыя перспектыўныя пазіцыі. У прыватнасці, з красавіка гэтага года пачалася рэалізацыя пшанічнага глютэна вытворчасці БНБК, і на сённяшні дзень сума здзелак перавысіла ўжо 157 млн расійскіх рублёў", - расказаў Герман Пузырны.

Ён таксама адзначыў, што, як і ў 2022 годзе, Маскоўская вобласць заняла першае месца сярод усіх рэгіёнаў Расіі не толькі па суме біржавых здзелак, але і па колькасці акрэдытаваных кампаній. "На Маскоўскую вобласць прыпадае каля 17 працэнтаў сукупнага біржавога тавараабароту Беларусі і Расіі, а таксама больш за трэць усіх акрэдытаваных на біржы расійскіх кампаній. Спалучэнне гэтых фактараў з году ў год забяспечвае лідарства сталічнага рэгіёна ў біржавым рэйтынгу дзелавой актыўнасці", - расказаў намеснік начальніка ўпраўлення ЗЭД БУТБ.

версія для друку

зрабіць стартавай

дабавіць у выбранае