Бізнес-навіны

Беларускія вытворцы лякарстваў прадставяць сваю прадукцыю на выстаўцы ў Зімбабвэ

26 красавіка, Мінск /Кар. БЕЛТА/. Прадстаўнікі РУП "Белмедпрэпараты", якое ўваходзіць у холдынг "Белфармпрам", 26-30 красавіка прымуць удзел у міжнароднай выстаўцы Zimbabwe International Trade Fair. Нацыянальная экспазіцыя Беларусі разгорнецца на пляцоўцы ў горадзе Булавая (Рэспубліка Зімбабвэ), паведамляе БЕЛТА са спасылкай на прэс-службу Міністэрства аховы здароўя.

Чакаецца, што гэта дасць магчымасць пашырыць прысутнасць беларускіх лекавых прэпаратаў на афрыканскім рынку.

Прадстаўнікі холдынга плануюць правесці сустрэчы з дзеючымі і новымі партнёрамі з Зімбабвэ, Намібіі і Анголы па пытаннях забеспячэння насельніцтва афрыканскіх краін беларускімі лекавымі прэпаратамі, якія вырабляе не толькі РУП "Белмедпрэпараты", але і іншыя арганізацыі холдынга.

версія для друку

зрабіць стартавай

дабавіць у выбранае