Бізнес-навіны

Беларускія піламатэрыялы ўпершыню прададзены ў ААЭ праз БУТБ

Фота з архiва

18 лютага, Мінск /Кар. БЕЛТА/. На Беларускай універсальнай таварнай біржы ажыццёўлена першая здзелка па рэалізацыі пілапрадукцыі ў Аб'яднаныя Арабскія Эміраты, паведаміў карэспандэнту БЕЛТА прэс-сакратар БУТБ Раман Яніў.

Падчас экспартнай гандлёвай сесіі кампанія з эмірата Абу-Дабі набыла ў беларускага дрэваапрацоўчага прадпрыемства пробную партыю абразных піламатэрыялаў цвёрдаліставых парод аб'ёмам 20 куб.м. Тавар даставяць у краіну назначэння сіламі пакупніка.

"У бягучым годзе асаблівая ўвага ўдзяляецца дыверсіфікацыі біржавога экспарту лесапрадукцыі за кошт выхаду на канечных спажыўцоў у краінах "далёкай дугі". У прыярытэце Азія і Блізкі Усход, паколькі менавіта ў гэтых рэгіёнах сканцэнтраваны найбуйнейшыя імпарцёры прадукцыі дрэваапрацоўкі. Мы ўжо дабіліся пэўных поспехаў на кітайскім напрамку, і ў рамках спецыяльных гандлёвых сесій на гэты рынак рэгулярна пастаўляюцца піламатэрыялы з дастаўкай да пакупніка. У выніку за 2021 год продажы беларускай пілапрадукцыі ў Кітай склалі $44 млн. Што датычыцца краін Блізкага Усходу, то найбольш актыўна на біржавой пляцоўцы працуюць рэзідэнты Ізраіля, Лівана і Егіпта. Аб'ёмы закупак пакуль не вельмі вялікія, але дынаміка дадатная", - адзначыў Раман Яніў.

Першая здзелка, ажыццёўленая кампаніяй з ААЭ, адкрывае шырокія магчымасці для айчынных экспарцёраў піламатэрыялаў, паколькі Эміраты - гэта міжнародны гандлёвы і лагістычны хаб, які аб'ядноўвае многія краіны свету. "Гэта значыць, што, пастаўляючы сваю прадукцыю ў Абу-Дабі, Дубай або Шарджу, беларускія прадпрыемствы аўтаматычна атрымліваюць доступ да патэнцыяльных пакупнікоў з Афрыкі, Паўднёва-Усходняй Азіі і іншых рэгіёнаў. Таму цяпер першарадная задача - замацавацца на рынку ААЭ, павялічыўшы колькасць акрэдытаваных кампаній і аб'ёмы паставак. Паралельна будзе весціся пошук партнёрскай арганізацыі, гатовай стаць біржавым брокерам у гэтай краіне", - расказалі ў БУТБ.

ААТ "Беларуская ўніверсальная таварная біржа" створана ў 2004 годзе. Першыя таргі прайўлі ў чэрвені 2005 года. БУТБ - адна з найбуйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.

версія для друку

зрабіць стартавай

дабавіць у выбранае