Бізнес-навіны

Беларусь плануе нарасціць турыстычныя сувязі з краінамі ШАС у 2023 годзе

Фота з архiва

27 снежня, Мінск /Кар. БЕЛТА/. Беларусь плануе нарасціць турыстычныя сувязі з краінамі ШАС у 2023 годзе. Аб гэтым у час прэс-канферэнцыі расказаў старшыня Рэспубліканскага саюза турыстычнай індустрыі Філіп Гулы, перадае карэспандэнт БЕЛТА.

Гаворачы пра планы Рэспубліканскага саюза турыстычнай індустрыі на 2023 год, яго старшыня падкрэсліў, што цяпер робіцца стаўка на далейшае развіццё работы з трэцімі краінамі.

"Так, мы разлічваем на кантакты з краінамі ШАС, у тым ліку з Індыяй і Кітаем. Акрамя таго, мэтавым рынкам для нас выступае і Узбекістан. Крытэрыі турыста з Ташкента цяпер узраслі, сталі папулярны туры выхаднога дня. Гэта значыць, што Мінск са сваёй турыстычнай інфраструктурай здольны канкурыраваць з іншымі краінамі згаданага саюза і данесці свой прадукт да спажыўца", - заявіў Філіп Гулы.

Акрамя таго, ён адзначыў правільнасць прыняцця рашэння па прадаўжэнні бязвізавага рэжыму з Латвіяй, Літвой і Польшчай.

"Для нас гэта радасная навіна, паколькі нашы сувязі з турыстычным бізнесам гэтых краін падтрымліваюцца і патокі турыстаў акумулююцца. Спадзяёмся, што ў будучым мы атрымаем прырост па турыстах у тым ліку і з гэтых краін", - рэзюмаваў Філіп Гулы.-0-

версія для друку

зрабіць стартавай

дабавіць у выбранае