9 снежня, Мінск /Кар. БЕЛТА/ Беларусь можа стварыць сумеснае з Экватарыяльнай Гвінеяй прадпрыемства па вылаве рыбы ў Атлантыцы. Аб магчымых напрамках супрацоўніцтва ішла размова на сустрэчы міністра сельскай гаспадаркі і харчавання Сяргея Барташа з міністрам сельскай гаспадаркі, жывёлагадоўлі і сельскага развіцця Экватарыяльнай Гвінеі, паведамілі БЕЛТА ў прэс-службе Мінсельгасхарча.
Сяргей Барташ прыбыў у Рэспубліку Экватарыяльная Гвінея ў складзе ўрадавай дэлегацыі.
У час перагавораў бакі абмеркавалі перспектыўныя пытанні супрацоўніцтва. У іх ліку - будаўніцтва аграгарадкоў і навучанне экватагвінейскіх спецыялістаў у аграрных установах Беларусі, магчымасць стварэння сумеснага беларуска-экватагвінейскага прадпрыемства па вылаве ў Атлантычным акіяне водных біялагічных рэсурсаў, а таксама іх перапрацоўкі і экспарту. Бакі вызначылі правінцыі, у якіх будзе праводзіцца далейшая работа па рэалізацыі праектаў аграгарадкоў.
"Па выніках дня прайшлі перагаворы па пытаннях двухбаковага супрацоўніцтва паміж дзвюма рэспублікамі з мэтай узгаднення двухбаковых дакументаў, якія рыхтуюцца да падпісання ў рамках візіту на вышэйшым узроўні", - паведамілі ў прэс-службе.