Бізнес-навіны

Беларусь дасягнула гістарычнага максімуму ў экспарце піламатэрыялу. Даведаліся, хто купляе беларускі лес

Фота з архiва

24 жніўня, Мінск /Кар. БЕЛТА/. Беларусь дасягнула гістарычнага максімуму ў экспарце піламатэрыялу. Аб гэтым далажыў Прэзідэнту Беларусі Аляксандру Лукашэнку міністр лясной гаспадаркі Аляксандр Кулік, перадае карэспандэнт БЕЛТА.

"Ва ўмовах санкцый Мінлясгас перабудаваўся з чэрвеня 2022 года. Да санкцый у нас на экспарт штомесяц пастаўлялася 60 тыс. куб.м піламатэрыялу, мы крыху праселі ў ліпені 2022 года, калі ўступілі санкцыі, і цяпер мы выйшлі на 77 тыс. куб.м. Гэта гістарычны максімум пастаўкі піламатэрыялаў на экспарт", - сказаў міністр.

Да санкцый асноўным рынкам збыту беларускай пілапрадукцыі былі краіны Еўрасаюза (туды пастаўлялася 56 працэнтаў, цяпер пастаўкі ў ЕС спыніліся), цяпер жа - Кітай (52 працэнты, было - 37 працэнтаў), Азербайджан (24 працэнты, было - 4 працэнты і Расія - 6 працэнтаў).

"Ніша запоўнена, і самае галоўнае - мы нарасцілі і ў аб'ёмным выражэнні, і ў мільёнах доларах. За сем месяцаў у нас пастаўлена прадукцыі на $90,4 млн", - далажыў Аляксандр Кулік.

версія для друку

зрабіць стартавай

дабавіць у выбранае