Падзеі, факты, анонсы

Каляндар падзей у Беларусі: СТУДЗЕНЬ 2024

Калядныя кірмашы 2023/2024 у Беларусі

За святочным настроем і ўтульнай атмасферай запрашаюць калядныя кірмашы, якія са снежня да сярэдзіны студзеня адкрыты па ўсёй краіне.

Калядны кірмаш у экапарку "Акварэль"

Тут можна набыць эксклюзіўныя падарункі і сувеніры, жывыя елкі, вырабы ручной работы і незвычайныя пачастункі. Чакаюць гасцей і забавы – інтэрактыўная праграма "Навагоднія прыгоды з гномамі", а таксама прагулка па рэзідэнцыі Дзеда Мароза і Снягурачкі.

Калі: 8 снежня 2023 – 14 студзеня 2024, па пятніцах, суботах і нядзелях
Дзе: экапарк "Акварэль", Мінская вобласць, г. Мар'іна Горка, на поўдзень ад аг. Навасёлкі

"Зімовы фэст" у Гродне

"Зімовы фэст" разгарнуўся непасрэдна на цэнтральнай – Савецкай – плошчы Гродна. Тут жа можна зрабіць фотасесію побач з галоўнай ёлкай вобласці, зазірнуць у сувенірныя крамы з handmade таварамі, нацешыцца зімовымі актыўнасцямі і забавамі. А на мясцовым фуд-корце паспытаць стравы розных краін (напрыклад, така, люля-кебаб, трдзельнікі), а таксама ў халоднае надвор'е сагрэцца духмянымі напіткамі ў зімовым бары.

Калі: 8 снежня 2023 – 7 студзеня 2024
Дзе: пл. Савецкая, Гродна

"Калядны кірмаш" у Мінску

"Калядны кірмаш" ля сталічнага Палаца спорту традыцыйна збірае тысячы мінчан і гасцей горада. Тут можна набыць  натуральныя елкі і хвоі, навагоднія цацкі і ўпрыгожанні, святочныя сувеніры і падарункі, прысмакі і выпечку. Здзіўляць наведвальнікаў будуць стравамі беларускай, рускай, армянскай і ўзбекскай кухні. Таксама любы жадаючы зможа сфатаграфавацца з Дзедам Марозам і Снягурачкай.

Калі: 16 снежня 2023 – 14 студзеня 2024
Дзе: пляцоўка ля Палаца спорту, Мінск

''Зімовы кірмаш'' ля Вялікага тэатра Беларусі

Упершыню на пляцоўцы ля Вялікага тэатра разгорнецца сапраўдны чароўны горад: філіял маёнтка беларускага Дзеда Мароза, фабрыка ўпакоўвання падарункаў, маркет рамеснікаў, прызавое "Кола Фартуны" і фуд-корт. Тут кожны зможа знайсці эксклюзіўныя падарункі, паспытаць стравы розных кухань свету, пачаставацца класічнымі каляднымі напіткамі (глінтвейн, грог і цёплыя кактэйлі па асобых рэцэптах).

Калі: 22 снежня 2023 – 7 студзеня 2024
Дзе: пляцоўка ля Вялікага тэатра Беларусі, пл. Парыжскай Камуны, Мінск

Калядны кірмаш PetShop Market

Калядны кірмаш PetShop Market на тэрыторыі сталічнага спарткомплексу "Дынама" збярэ аматараў дамашніх жывёл і іх гадаванцаў. Тут можна набыць тавары і корм для ўсіх відаў жывёл па самых прыемных цэнах, наведаць сабачы рэстаран і бар, паўдзельнічаць у розыгрышах, конкурсе касцюмаў, а таксама ацаніць смачныя прапановы мясцовага фуд-корта.

Калі: 13 студзеня 2024
Дзе: спарткомплекс "Дынама", вул. Даўмана, 23, Мінск

Каляды і Новы год у Беларусі: ад падрыхтоўкі да яркіх урачыстасцей

З надыходам зімы ўся Беларусь знаходзіцца ў прадчуванні свят. У Мінску першай – да 1 снежня – ва ўбранне з шароў і гірлянд апранецца 18-метровая ёлка на плошчы Незалежнасці, а да 8 снежня на Кастрычніцкай плошчы ўстановяць галоўную ёлку краіны. У гэтым годзе вышыня зялёнай прыгажуні дасягне 30 метраў, а ўпрыгожаць яе рознафарматнымі шарамі, ажурнымі фрэзераванымі цацкамі і піксельнай сеткай. Усяго ж святочную атмасферу ў галоўным горадзе краіны будуць ствараць 27 прыгожых ёлак. Напярэдадні надыходзячага 2024-га – года Зялёнага Драўлянага Дракона – колерамі ўпрыгажэнняў выбраны зялёны, сіні, чырвоны, залаты, сярэбраны і снежна-белы.

Да 12 снежня ў Вялікім тэатры Беларусі прадаўжаецца сямейны конкурс "Навагодняя тэатральная цацка". У гэтым сезоне яго ўдзельнікам неабходна вырабіць ёлачнае ўпрыгажэнне, звязанае са светам тэатра і музыкі. Пераможцаў аб'явяць 26 снежня перад пачаткам спектакля "Гісторыя Кая і Герды (Снежная каралева)".

З 15 снежня стартуе 20-я рэспубліканская дабрачынная акцыя "Нашы дзеці". Яна дае магчымасць звярнуць увагу на праблемы дзяцей, якія апынуліся ў цяжкіх жыццёвых абставінах, і аказаць ім канкрэтную дапамогу, а таксама заахвоціць найбольш дастойных, таленавітых дзяцей, якія дасягнулі поспехаў у вучобе, спорце, грамадскім жыцці.

Новы год у савецкім стылі. Традыцыі любімага свята прапануюць на выставе ў Мінску

Святочныя выставы, квесты, майстар-класы

Выстава "Анталогія прыгажосці. Традыцыйны беларускі касцюм" у НММ

Беларуская "Анталогія прыгажосці" – гэта каля 90 народных касцюмаў шасці этнаграфічных рэгіёнаў краіны, сярод якіх заходняе і ўсходняе Палессе, Падзвінне, Падняпроўе, Панямонне, Цэнтральная Беларусь. Упершыню ў такім маштабе выстава ўбачыла свет у Нацыянальным мастацкім музеі ў рамках штогадовай акцыі "Вераснёвая ноч". Гасцям прадстаўлена амаль 1000 экспанатаў – народнае адзенне, дамашнія рэчы, эскізы і архіўныя фатаграфіі, якія адлюстроўваюць яркія рэгіянальныя і лакальныя асаблівасці народнага касцюма, як жаночага, так і мужчынскага. Дапоўнілі экспазіцыю творы традыцыйнага беларускага ткацтва, арыгінальная і тыражная графіка, беларускі жывапіс са збору нацыянальнай скарбніцы.

Калі: 9 верасня – 10 студзеня 2024
Дзе: Нацыянальны мастацкі музей Беларусі, вул. К. Маркса, 24, Мінск

Навагодні квест ''Свавольствы старога дома'' ў галерэі Міхаіла Савіцкага

Акунуцца ў навагодні настрой і адчуць сябе "Адным дома" запрашае сталічная Мастацкая галерэя Міхаіла Савіцкага. У час займальнай прыгоды госці даведаюцца пра ''Свавольствы старога дома'', а для гэтага яны перанясуцца ў XIX стагоддзе, калі ў сядзібным доме жыў знакаміты калекцыянер Юрый Кабылінскі. Каб выканаць заданні, неабходна сустрэцца з Хавальніцай ключоў і даведацца, навошта ёй патрэбны чароўны ключ, наведаць Парадную і Малую гасціныя, бібліятэку, кабінет, зазірнуць у майстэрню мастака і разгадаць загадкі старога дома.

Калі: 19 снежня 2023 – 19 студзеня 2024
Дзе: Мастацкая галерэя Міхаіла Савіцкага, пл. Свабоды, 15, Мінск

Каляды ў НММ: выстава "…На пашану і хвалу Госпаду Богу…"

Абразы, рукапісныя і старадрукаваныя кнігі, алтарны жывапіс і скульптура, вырабы дэкаратыўна-прыкладнога мастацтва, прадметы мастацкага ліцця XVII–XIX стагоддзяў, прызначаныя для адпраўлення культу ў храмах... Датаваныя і падпісныя творы з буйнейшага ў Беларусі збору сакральнага мастацтва (15 з 37 адрэстаўраваны і экспануюцца ўпершыню) прадстаўлены на выставе "...На пашану і хвалу Госпаду Богу..." у Нацыянальным мастацкім музеі. Як правіла, аўтары захоўвалі ананімнасць, лічачы, што толькі выконваюць волю Усявышняга. У экспазіцыю ўвайшлі сакральныя творы з самымі разнастайнымі надпісамі, а на планшэтах паказаны адвароты абразоў, звычайна схаваныя ад вачэй наведвальнікаў.

Калі: 1 снежня 2023 – 28 студзеня 2024
Дзе: Нацыянальны мастацкі музей Беларусі, выставачны корпус, вул. К.Маркса, 24, Мінск

''Каляды ў Ваньковічаў'': святкаванне ў сядзібе XIX стагоддзя

У самы чароўны час года дом-музей Ваньковічаў запрашае мінчан і гасцей сталіцы азнаёміцца з традыцыямі святкавання Каляд у дваранскай сядзібе XIX стагоддзя, дзе збіраліся прадстаўнікі культурнай інтэлігенцыі, мастакі, музыканты той эпохі. Некалі тут бывалі блізкі сваяк гаспадара дома – Эдварда Ваньковіча – кампазітар Станіслаў Манюшка, а таксама драматург, пісьменнік, стваральнік першага тэатральнага твора на беларускай мове (камічнай оперы "Ідылія") Вінцэнт Дунін-Марцінкевіч. Акрамя знаёмства з музейнай экспазіцыяй наведвальнікі змогуць у дамашняй абстаноўцы вырабіць аўтарскае навагодняе ёлачнае ўпрыгожанне.

Калі: 6 снежня 2023 – 13 студзеня 2024
Дзе: Дом Ваньковічаў, вул. Інтэрнацыянальная, 33а, Мінск

Выстава ''Свята ў вялікім горадзе: Новы год у савецкім стылі''

Музей гісторыі сталіцы запрашае адправіцца ў Мінск другой паловы ХХ стагоддзя і даведацца, як тады святкавалі Новы год. Інтэр'ер сталічнай кватэры 1950-х, дамашняя атмасфера і гарадскія прасторы ўзноўлены з дапамогай інсталяцый-фотазон з прадметаў побыту, жывапісных і графічных твораў, калекцый паштовак, ёлачных упрыгожанняў 1940–1980-х. Гарадскія пейзажы, выдатныя мясціны, утульныя дворыкі прадстаўлены на палотнах жывапісцаў – Васіля Сумарава, Віктара Яўсеева, Барыса Аракчэева, а дапаўняюць экспазіцыю акварэлі, літаграфіі і лінагравюры такіх аўтараў, як Рыгор Віткоўскі, Анатоль Тычына, Сямён Герус, Іван Пратасеня.

Калі: 7 снежня 2023 – 4 лютага 2024
Дзе: выставачная зала Музея гісторыі горада Мінска, вул. Ракаўская, 17, Мінск

''Гісторыя ў навагодніх цацках'': выстава антыкварных ёлачных упрыгожанняў

Пранікнуцца чароўнай атмасферай зімовых свят змогуць госці выставы антыкварных ёлачных цацак з калекцыі Наталлі Кавалёвай, якая налічвае звыш 5 тысяч экзэмпляраў. Старадаўнія шкляныя шары ручной работы, ватныя і падставачныя фігуры, калядныя анёлы і казачныя героі... У экспазіцыю ўвайшлі самыя незвычайныя гістарычныя цацкі. Напрыклад, вырабленыя ў канцы 1930-х гадоў, у якіх, паводле слоў калекцыянера, "прапрацавана форма, высокі ўзровень дэталізацыі, твары распісаны ўручную". А вось у ваенны час, як бачаць наведвальнікі выставы, замест шароў часта выкарыстоўваліся электрычныя лямпачкі, распісаныя ўручную, а гірлянды вырабляліся з тонкага меднага дроту, каляровай паперы або фольгі.

Калі: 14 снежня 2023 – 14 студзеня 2024
Дзе: Беларускі дзяржаўны музей гісторыі Вялікай Айчыннай вайны, пр. Пераможцаў, 8, Мінск
Даведацца больш

"Навагоднія цацкі, свечкі і хлапушкі..." у палацы Румянцавых і Паскевічаў

Святочны настрой наведвальнікам гомельскага палаца Румянцавых і Паскевічаў будуць дарыць "Навагоднія цацкі, свечкі і хлапушкі...". Гэта мініяцюрны зімовы свет, героямі якога з'яўляюцца фарфоравыя дзеткі, якія катаюцца на лыжах і каньках па пушыстых снежных узгорках, забаўныя чалавечкі, прыбраныя паненкі, лясныя звяркі і дзіўныя насельнікі марскіх глыбінь, акружаныя садам з ззяючых агародніны, фруктаў, кветак і, вядома ж, шароў розных форм і памераў. Экспанаты выставы – навагоднія цацкі 1930-1980-х гадоў з фондаў палаца-музея, вырабленыя з такіх матэрыялаў як шкло, кардон, дрэва, пластык, вата, фольга…

Калі: з 21 снежня 2023
Дзе: Палац Румянцавых і Паскевічаў, пл. Леніна, 4, Гомель

Канцэрты, спектаклі, шоу

"Падарожжа ў маёнтак Дзеда Мароза": навагодні поезд у Белавежскую пушчу

Перанесціся ў зімовую казку пад стук колаў поезда, які нясе ўдалечыню, – менавіта такую ​​забаву дзецям і дарослым прапануюць напярэдадні Каляд і Новага года-2024. Пункт прызначэння – маёнтак беларускага Дзеда Мароза ў Белавежскай пушчы, працягласць ад Мінска да Брэста – звыш 350 км, час у дарозе – каля 10 гадзін. Гасцей чакае насычаная праграма. Акрамя наведвання маёнтка галоўнага ляснога чарадзея, яны ўбачаць Церам Снягурачкі, Чароўны Млын, пабываюць на Алеі знакаў Усходняга Календара, у "Скарбніцы" – Музеі падарункаў Дзеда Мароза, а таксама змогуць загадаць патаемныя жаданні на паляне Дванаццаці Месяцаў або на чароўным троне.

Калі: 8 снежня 2023 – 13 студзеня 2024
Дзе: Мінск – маёнтак беларускага Дзеда Мароза

Навагодняя казка "Снягурачка" ў Белдзяржцырку

Напярэдадні зімовых свят Белдзяржцырк прэзентуе новую праграму. Госці акунуцца ў навагоднюю атмасферу пад акорды казкі "Снягурачка": гэта гісторыя пра ледзяную прыгажуню, якая хоча атрымаць сапраўднае сэрца. Кожны з персанажаў дапамагае ёй навучыцца зведваць розныя пачуцці – радасць і весялосць, страх і злосць, гнеў і любоў. Героямі казачнай цыркавой праграмы стануць коннікі, гімнасты на турніках, жанглёры, эквілібрысты, клоун, а таксама белыя і ружовыя тыгры, дрэсіраваныя сабачкі.

Калі: 16 снежня 2023 – 14 студзеня 2024
Дзе: Беларускі дзяржаўны цырк, пр. Незалежнасці, 32, Мінск

"Калядны джаз" у Нясвіжскім замку

Напярэдадні Каляд чароўную атмасферу для гасцей рэзідэнцыі князёў Радзівілаў створыць канцэртны аркестр Беларусі імя М.Я. Фінберга пад кіраваннем мастацкага кіраўніка і галоўнага дырыжора Максіма Расохі. У інтэр'ерах Тэатральнай залы Нясвіжскага замка загучыць калядны джаз. Гледачы пачуюць серэнаду месячнага святла, цукровы блюз і калядную застольную песню, убачаць блакітнае неба і чароўны блакітны месяц. Адметнасцю святочнага канцэрта ў замку стане выкананне папулярнай класічнай музыкі ў джазавым стылі.

Калі: 5 студзеня, 15.00, 17.00
Дзе: Тэатральная зала, Нясвіжскі замак, вул. Замкавая, 2, Нясвіж

Дзіцячы спектакль ''Хрустальны чаравічак'' у Нясвіжскім замку

Казка ''Хрустальны чаравічак'', якую падрыхтавалі для гледачоў артысты Беларускай дзяржаўнай філармоніі, апавядае пра Папялушку, якая марыць пабываць на каралеўскім балі і сустрэцца з цудоўным прынцам. У адзін момант яе мроя  становіцца явай! Яркі і дынамічны спектакль нікога не пакіне абыякавым, таму што гісторыя паказвае, што дабрыня, цярплівасць і любоў здольны перамагчы любое зло.

Калі: 6 студзеня, 15.00, 17.00
Дзе: Тэатральная зала, Нясвіжскі замак, вул. Замкавая, 2, Нясвіж

Французскі спявак П'ер Эдэль у Гродне

Спявак П'ер Эдэль атрымаў шырокую вядомасць дзякуючы свайму паспяховаму ўдзелу ў папулярных тэлешоу The Voice ("Голас") у чатырох краінах. У яго творчай скарбонцы – дуэты з такімі зоркамі як Garou, Mika, Кайлі Міноўг, Джо Лін Цёрнер (вакаліст Deep Purple), Філ Спалдынг (басіст Элтана Джона), Сяргей Маўрын (Арыя) і многімі іншымі. На гродзенскай сцэне П'ер Эдэль выступіць з праграмай, у якой прагучаць легендарныя кампазіцыі з мюзікла Notre-Dame de Paris, песні такіх выканаўцаў як Джо Дасэн, Эдыт Піаф, Элтан Джон, таксама праграму дапоўняць трэкі з сольнага альбома выканаўцы – Time Machine.

Калі: 26 студзеня
Дзе: Гродзенская абласная філармонія, вул. Гарнавых, 17, Гродна

Калядныя балі ў Беларусі

Дзіцячы калядны баль у Мірскім замку

Мірскі замак прадаўжае добрую святочную традыцыю, запрашаючы ў дні зімовых канікулаў на дзіцячы Калядны баль дам і кавалераў ад 6 да 12 гадоў. Юныя ўдзельнікі мерапрыемства не толькі атрымаюць урокі прыдворнага этыкету, але і пакажуць сваё майстэрства ў старадаўніх танцах, удосталь нацешацца гульнямі і загадаюць самыя запаветныя жаданні. А на заканчэнне ўрачыстасці кожнае дзіця атрымае падарунак!

Калі: 6 студзеня, 12.00
Дзе: Мірскі замак, вул. Чырвонаармейская, 2, г.п. Мір, Гродзенская вобласць

''Казачны баль'' у Вялікім: 10-годдзе Балетнай школы Марыны Вежнавец

10 гадоў таму заслужаная артыстка Беларусі, прыма Вялікага тэатра Марына Вежнавец заснавала дзіцячую балетную школу. У гонар юбілейнай даты "Казачны баль" збярэ на галоўнай сцэне краіны зорак з розных краін свету. Удзельнікамі вечара стануць народныя артысты Беларусі Ірына Яромкіна, Антон Краўчанка, Ігар Артамонаў, заслужаныя артысты Беларусі Юрый Кавалёў, прыма-балерына Венскай дзяржаўнай оперы, лаўрэат міжнародных конкурсаў Ірына Цымбал, лаўрэат міжнародных конкурсаў Ірына Калеснікава (Расія)… І вядома, выступяць былыя вучні, якія прадаўжаюць шлях у Акадэміі Рускага балета імя А.Я. Ваганавай (Санкт-Пецярбург), Маскоўскай дзяржаўнай акадэміі харэаграфіі, Акадэміі танца ў Цюрыху (Швейцарыя), Беларускай дзяржаўнай харэаграфічнай гімназіі-каледжа. Сярод знакамітых вучаніц школы – стаўшая пятай сярод лепшых юных танцоўшчыц свету Вера Шпакоўская і Мая Сівец, якая ў 2020-м атрымала перамогу ў Міжнародным харэаграфічным конкурсе Tanzolymp у Берліне.

Калі: 8 студзеня, 19.00
Дзе: Вялікі тэатр Беларусі, пл. Парыжскай Камуны, 1, Мінск

Баль на стары Новы год у Вялікім тэатры Беларусі

Урачыстая атмасфера, чароўныя акорды вечнай класікі, свецкія гутаркі і забавы XIX стагоддзя – усё гэта чакае гасцей балю, які адбудзецца ў Вялікім тэатры Беларусі. Традыцыя праводзіць вечар старога Новага года ў асяроддзі любімых артыстаў зарадзілася ў 2009 годзе, і з таго часу толькі прыбаўляе ў папулярнасці. Адкрывае вечар пастановачны Рускі баль з паланэзамі, контрдансамі, вальсамі і полькамі, а далей ідзе Венскі баль – свабодная танцавальная праграма для ўсіх жадаючых. Госці змогуць стаць сведкамі рыцарскага паядынку, прыняць удзел у майстар-класах па бальных танцах ад вядучых салістаў балета і пачуць любімых салістаў оперы. Фінальным акордам свята-2024 стане французская кадрыля.

Калі: 13 студзеня, з 20:00 да 23:00
Дзе: Вялікі тэатр Беларусі, пл. Парыжскай Камуны, 1, Мінск

Калядны баль у Мірскім замку

Танцавальныя майстар-класы, жывая музыка, фуршэт, прыемныя сюрпрызы…  Раскошная рэзідэнцыя князёў Святаполк-Мірскіх запрашае правесці вечар старога Новага года ў атмасферы XVIII стагоддзя. На свята ў Партрэтнай зале па традыцыі збяруцца кавалеры і дамы ў элегантных уборах адпаведна свецкаму грамадству таго часу. Дрэс-код такі: строгі  касцюм для кавалеров, сукенка (пераважна ў стылі XVIII стагоддзя) і абутак без абцаса для дам. Гасцей чакаюць жывая інструментальная музыка, свецкія гутаркі, старадаўнія настольныя і рухомыя гульні.

Калі: 13 студзеня, 20.00
Дзе: Мірскі замак, вул. Чырвонаармейская, 2, г.п. Мір, Гродзенская вобласць

Калядны баль у музеі-сядзібе Міхала Клеафаса Агінскага

Калядны баль у музеі-сядзібе Міхала Клеафаса Агінскага ў Смаргонскім раёне адкрые зімовы сезон баляў. Суботнім вечарам у старадаўняй рэзідэнцыі чакаюць дам у бальных сукенках і кавалераў у смокінгах. У слаўныя часы ў маёнтку Агінскіх, які называлі "паўночнымі Афінамі", балі даваліся круглы год і былі настолькі важнай часткай дваранскага жыцця, што ўвесь астатні вольны час быў падпарадкаваны падрыхтоўцы да іх. Гасцей Залесся запрашаюць напярэдадні старога Новага года незабыўна правесці час у інтэр'ерах сядзібы – нацешыцца танцамі XIX стагоддзя, гутаркамі з аднадумцамі і святочнай атмасферай.

Калі: 13 студзеня, 20.00
Дзе: Музей-сядзіба Міхала Агінскага, аг. Залессе, Смаргонскі раён, Гродзенская вобласць