Індустрыяльны парк "Вялікі камень" | Belarus.by
У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес

Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-асяроддзе | Індустрыяльны парк "Вялікі камень"

Індустрыяльны парк "Вялікі камень"

Аляксандр Лукашэнка і Сі Цзіньпін на месцы першага этапу будаўніцтва Кітайска-беларускага індустрыяльнага парка "Вялікі камень"
Аляксандр Лукашэнка і Сі Цзіньпін на месцы першага этапу будаўніцтва Кітайска-беларускага індустрыяльнага парка "Вялікі камень"

Індустрыяльны парк "Вялікі камень" – самы маштабны сумесны праект Беларусі і Кітая, разлічаны на дзесяцігоддзі.

У стратэгічна ўнікальным месцы – геаграфічным цэнтры Еўропы, на стыку буйных інтэграцый (ЕАЭС і ЕС) і новым Шаўковым шляху – ствараецца пляцоўка для работы высокатэхналагічных кампаній з усяго свету.

Парк "Вялікі камень" узводзіцца ўсяго за 25 кіламетраў ад беларускай сталіцы: побач з будучым цэнтрам знаходзяцца міжнародны аэрапорт Мінск, чыгуначныя пуці і транснацыянальная аўтамагістраль Берлін - Масква.

Па задуме стваральнікаў, "Вялікі камень" павінен стаць сапраўдным экагорадам, дзе сканцэнтраваны інавацыйныя вытворчасці з высокім экспартным патэнцыялам, дзейнічае асаблівы прававы рэжым і забяспечаны аптымальныя ўмовы для вядзення бізнесу.
 
Тэрыторыя плошчай амаль 80 км² аб'яднае прамысловыя і жылыя зоны з адпаведнай інфраструктурай, фінансавы і навукова-даследчы цэнтры, офісныя і гандлёва-забаўляльныя комплексы…
 
Асаблівасць парка і ў тым, што ён размешчаны на вельмі прыгожай, экалагічна спрыяльнай прыроднай тэрыторыі заказніка, таму захаванне ландшафту – адна з самых важных задач развіцця.

Гісторыя парка

Ідэя стварэння кітайска-беларускага тэхнапарка з'явілася ў 2010 годзе. Упершыню аб сумесным праекце было заяўлена ў сакавіку ў час візіту ў Беларусь намесніка старшыні КНР Сі Цзіньпіна (цяпер – кіраўнік дзяржавы). І ўжо ў кастрычніку – у дні афіцыйнага візіту Аляксандра Лукашэнкі ў КНР – паміж Міністэрствам эканомікі Беларусі і Кітайскай карпарацыяй інжынірынгу САМС было падпісана пагадненне аб стварэнні парка.
 
У студзені 2012 года Беларусь і Кітай ратыфікавалі міжурадавае пагадненне аб сумесным праекце.

Указам Прэзідэнта Беларусі нумар 253 "Аб Кітайска-Беларускім індустрыяльным парку" (5 чэрвеня 2012 г.) вызначаны спецыяльны прававы рэжым гэтай эканамічнай тэрыторыі.

У жніўні 2012 года заснавана сумесная кітайска-беларуская кампанія па развіцці парка. Кітайскім партнёрам належыць 60 працэнтаў акцый, беларускім – 40 працэнтаў.
 
Урачыстая цырымонія закладкі першага каменя кітайска-беларускага індустрыяльнага парка адбылася 19 чэрвеня 2014 г. У сімвалічным мерапрыемстве прынялі ўдзел больш як 50 топ-менеджараў вядучых сусветных кампаній з Кітая, сярод якіх Sinomach, CAMC, Lenоvо Group Limited, GreatWall, Huawei, ZTE...

Сёння парк, які з'яўляецца самым вялікім праектам у гісторыі двухбаковых адносін Беларусі і Кітая, набывае ўсё большае значэнне. Ён стане адной з ключавых пляцовак эканамічнага пояса Шаўковага шляху – грандыёзнай ініцыятывы супрацоўніцтва, прапанаванай лідарам КНР Сі Цзіньпінам.

У час дзяржаўнага візіту ў Беларусь 12 мая 2015 года Сі Цзіньпін наведаў пляцоўку будуемага парка разам з Прэзідэнтам Беларусі Аляксандрам Лукашэнкам.

Лідары краін паставілі подпісы на генеральным плане "Вялікага каменя", ацанілі інвестпраекты першых рэзідэнтаў, якім на цырымоніі з удзелам прэзідэнтаў былі ўручаны пасведчанні аб уваходжанні ў парк.

Праекты індустрыяльнага парка "Вялікі камень"

Для рэзідэнтаў парка "Вялікі камень" вызначаны асноўныя сферы дзейнасці, сярод якіх:

  • машынабудаванне;
  • медыцынскае абсталяванне і матэрыялы;
  • біятэхналогіі, фармацэўтыка, тонкая хімія;
  • электроніка і электратэхніка;
  • новыя матэрыялы;
  • оптыка;
  • іншыя напрамкі.

У кожнай галіне прапануюцца выгадныя інвестпраекты па стварэнні новых вытворчасцей і выпуску запатрабаванай на сусветным рынку прадукцыі. Акрамя таго, у "Вялікім камені" будуць весціся навукова-даследчыя і доследна-канструктарскія работы.

Сярод першых рэзідэнтаў парка – карпарацыі-гіганты Huawei і ZTE, якія пачынаюць будаўніцтва вытворчасцей ужо ў 2015 годзе. ZTE арганізуе выпуск мабільных сродкаў сувязі (4G), Huawei зробіць стаўку на інавацыйныя навуковыя распрацоўкі і развіццё софта.
  
Як чакаецца, агульны аб'ём інвестыцый першых 15 рэзідэнтаў парка складзе амаль $2 млрд.

Перавагі для бізнесу

Рэзідэнтамі індустрыяльнага парка "Вялікі камень" могуць стаць кампаніі з усяго свету, праекты якіх адпавядаюць асноўным напрамкам дзейнасці (пры гэтым адміністрацыяй разглядаюцца і іншыя інавацыйныя прапановы).

Галоўныя перавагі, якія атрымліваюць кампаніі ў індустрыяльным парку "Вялікі камень":

  • выгаднае геаграфічнае становішча і зручныя транспартныя калідоры;
  • перспектывы бяспошліннага ўваходу на рынак краін Адзінай эканамічнай прасторы і блізкасць рынку Еўрапейскага Саюза;
  • сістэма падатковых і мытных прэферэнцый (рэзідэнты атрымаюць ільготы па формуле "10+10": вызваленне ад карпаратыўных падаткаў на 10 гадоў і зніжэнне падатковых ставак на 50 працэнтаў у наступныя 10 гадоў).
  • комплекснае абслугоўванне рэзідэнтаў парка па прынцыпе "адно акно".
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску