НЯСВІЖ

НЯСВІЖ: адзначыць юбілей князя-гетмана, даследаваць у квесце сусветна вядомую рэзідэнцыю і на навагоднім банкеце пакаштаваць найлепшыя стравы "па-радзівілаўску"

У мінулым Нясвіж – легендарная рэзідэнцыя адной з самых уплывовых дынастый Еўропы, сёння – гісторыка-культурны музей-запаведнік, які прываблівае тысячы турыстаў. У 2016 годзе ён удастоены прэстыжнага прыза "Еўропа Ностра" – за ўражальную работу па стварэнні экспазіцыі ў адноўленым палацы ўсяго за некалькі месяцаў. Не менш захапіла журы і гісторыя сувязей музея з нашчадкамі Радзівілаў з розных краін свету… У першыя дні Новага 2017 года – 2-8 студзеня –  палац запрашае гасцей у атмасферу свят XVIII стагоддзя і пачынае адзначаць юбілей знакамітага гетмана ВКЛ Міхала Казіміра Радзівіла Рыбанькі. Галоўнымі героямі навагодняй гісторыі стануць сам князь, яго таленавітая жонка Францішка Уршуля, сын Караль (Пане Каханку) і дачка Тэафілія.