17 красавіка, Мінск /Аліна Грышкевіч - БЕЛТА/. Генеральны дырэктар ААН па пытаннях адукацыі, навукі і культуры (ЮНЕСКА) Ірына Бокава 17-20 красавіка з візітам наведае Мінск. Аб гэтым БЕЛТА паведамілі ў прэс-службе МЗС.
Праграмай візіту прадугледжаны ўдзел Ірыны Бокавай ва ўрачыстым пасяджэнні Нацыянальнай камісіі Беларусі па справах ЮНЕСКА пад старшынствам міністра замежных спраў Уладзіміра Макея, прысвечаным 60-годдзю членства Беларусі ў арганізацыі.
Генеральны дырэктар ЮНЕСКА таксама наведае Нацыянальны акадэмічны Вялікі тэатр оперы і балета для ўрачыстага ўручэння калектыву тэатра памятнай медалі ЮНЕСКА "Пяць кантынентаў". Яна агледзіць музейныя комплексы ў Міры і Нясвіжы, уключаныя ў спіс Сусветнай спадчыны ЮНЕСКА.
Пн | Аўт | Сер | Чцв | Пт | Сб | Нядз |
---|