29 кастрычніка, Мінск /Таццяна Паляжай - БЕЛТА/. Прэзідэнт Беларусі Аляксандр Лукашэнка падтрымаў ідэю аб аб'яўленні ўзвядзення Беларускай АЭС маладзёжнай будоўляй. Аб гэтым кіраўнік дзяржавы заявіў сёння на форуме "Традыцыі. Моладзь. Будучыня", перадае карэспандэнт БЕЛТА.
Кіраўнік дзяржавы паабяцаў, што ў бліжэйшы час на сустрэчы з Прэзідэнтам Расіі Уладзімірам Пуціным яны разгледзяць гэту ініцыятыву, паколькі БелАЭС будзе ўзводзіцца з удзелам расійскіх спецыялістаў.
"Мы гэту будоўлю вядзём разам з брацкай Расіяй. Абяцаю вам, што ў бліжэйшы час мы з Прэзідэнтам Пуціным разгледзім ініцыятыву, каб гэту будоўлю, а можа быць, і ўзвядзенне наступнай атамнай станцыі, якую Расія плануе будаваць у Калінінградзе, зрабіць нашымі агульнымі маладзёжнымі будоўлямі. Гэта будзе, напэўна, правільна", - сказаў беларускі лідар.
Пн | Аўт | Сер | Чцв | Пт | Сб | Нядз |
---|