Прамовы і інтэрв’ю

2 мая, Мінск /Святлана Саўко - БЕЛТА/. Цырымонія адкрыцця ЧС, якая адбудзецца 9 мая ў шматфункцыянальным культурна-спартыўным комплексе "Мінск-Арэна", будзе праходзіць 15-17 мінут. Аб гэтым 1 мая журналістам паведаміў дырэктар Дырэкцыі па правядзенні чэмпіянату свету па хакеі з шайбай 2014 года Яўген Ворсін, перадае карэспандэнт БЕЛТА.

Яўген Ворсін растлумачыў, што адкрыццё строга рэгламентуецца Міжнароднай федэрацыяй хакея. Падрабязнасці цырымоніі Яўген Ворсін раскрываць не стаў, каб захаваць інтрыгу для гасцей ЧС.

У дзень адкрыцця чэмпіянату фан-зона "Мінск-Арэны" будзе працаваць з 19.30 і наведаць яе змогуць усе жадаючыя незалежна ад наяўнасці білета. Тут установяць сцэнічную пляцоўку, гандлёвыя палаткі.

Паводле слоў Яўгена Ворсіна, у продажы пакуль ёсць білеты літаральна на ўсе матчы. На некаторыя працэнт рэалізацыі даходзіць практычна да 100 працэнтаў. Найбольшай папулярнасцю карыстаюцца гульні каманд топ-групы: Канады, Швецыі, Чэхіі, Расіі, Беларусі. Білеты на гэтыя матчы яшчэ ёсць, але з купляй трэба паспяшацца.

Першымі ў Мінск на ЧС прыедуць каманды Францыі і Італіі, іх чакаюць 6 мая.

1 мая прэм'ер-міністр Беларусі Міхаіл Мясніковіч наведаў другую па значнасці лядовую пляцоўку ЧС - шматфункцыянальны культурна-спартыўны і забаўляльны комплекс "Чыжоўка-Арэна", каб праверыць яго гатоўнасць да чэмпіянату. Прэм'ер-міністру прадэманстравалі работу турнікетаў, білетных тэрміналаў. Міхаіл Мясніковіч пагаварыў з валанцёрамі, якія будуць дапамагаць гасцям чэмпіянату, а таксама з персаналам кафэ гэтага комплексу, дзе, дарэчы, усе цэны спецыяльна акруглілі - для зручнасці балельшчыкаў пры аплаце заказу і павышэння скорасці абслугоўвання.

Прэм'ер-міністра праінфармавалі аб стане лядовай арэны. Нямецкім спецыялістам яшчэ трэба нанесці бартавую рэкламу. На лядовай арэне адпрацаваны ўсе службы статыстыкі і судзейства, іншыя сістэмы. Застаюцца толькі некаторыя тэхнічныя пытанні. Для іх вырашэння адпрацоўваюцца тэхналагічныя пазіцыі.