Падзеі

27 верасня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў прывітанне ўдзельнікам XII Міжнароднага фестывалю Юрыя Башмета ў сувязі з адкрыццём музычнага форуму. Аб гэтым БЕЛТА паведамілі ў прэс-службе беларускага лідара.

"З кожным годам гэта свята класічнага мастацтва з удзелам музыкантаў сусветнага ўзроўню і маладых таленавітых выканаўцаў прымнажае свае традыцыі, выконваючы важную місію папулярызацыі лепшых узораў высокай культуры", - гаворыцца ў прывітанні.

Кіраўнік дзяржавы выказаў упэўненасць, што сёлетні творчы форум зноў прыцягне ўвагу грамадскасці цікавымі праектамі, падорыць аматарам акадэмічнай музыкі яркія эмоцыі і будзе садзейнічаць умацаванню ўзаемаразумення і дружбы паміж народамі.