Падзеі

Больш за 196 тыс. іншаземцаў наведалі Беларусь па бязвізе з пачатку года

Фота з архiва

3 лістапада, Мінск /Кар. БЕЛТА/. У Беларусь з 1 студзеня гэтага года прыбылі 196 855 чалавек з 38 краін, уключаных у спіс бязвізу. Большасць падарожнікаў прыехалі з суседніх Літвы, Латвіі і Польшчы. Аб гэтым БЕЛТА паведамілі ў Дзяржпагранкамітэце.

Усяго з 15 красавіка 2022 года нашу краіну наведалі 1 228 592 жыхары Еўропы. Так, з Латвіі прыбылі 394 668 чалавек, з Літвы - 655 021, з Польшчы - 125 897. У рамках пашыранага бязвізу для 35 еўрапейскіх дзяржаў з 19 ліпеня 2024 года ў Беларусь уехалі 53 006 чалавек.

У пагранічным ведамстве нагадалі, што кіраўніком дзяржавы прынята рашэнне аб прадаўжэнні бязвізавага ўезду для грамадзян 38 еўрапейскіх краін да 31 снежня 2025 года ўключна. Падрабязная інфармацыя аб бязвізавым наведванні Беларусі размешчана ў спецыяльным раздзеле інфармацыйнага партала ДПК і мабільным дадатку "Граніца Беларусі".

версія для друку

зрабіць стартавай

дабавіць у выбранае